സഖ്‍ലൈന്‍ മുഷ്താഖ് ആണ് ലോക ക്രിക്കറ്റിലേക്ക് ദൂസരയെ പരിചയപ്പെടുത്തുന്നത്. ഷെയിന്‍ വോണിനെയോ മുത്തയ്യ മുരളീധരനെയോ പോലെ വാഴ്ത്തപ്പെട്ടിട്ടില്ലെങ്കിലും ലോക ക്രിക്കറ്റ് കണ്ട ഏറ്റവും മികച്ച സ്പിന്നര്‍മാരില്‍ ഒരാളായിരുന്നു സഖ്‍ലൈന്‍. സഖ്‍ലൈന്‍ ദൂസര എറിഞ്ഞ പോലെ ആ പന്ത് മികച്ച രീതിയില്‍ എറിയുവാന്‍ സാധിച്ച മറ്റൊരു താരമാണ് ഇന്ത്യയുടെ ഹര്‍ഭജന്‍ സിംഗ്.
തനിക്ക് ഇന്ത്യന്‍ ടീമില്‍ ഇടം നേടി കൊടുത്തത് ദൂസര എറിയുവാനുള്ള കഴിവാണെന്നും ഹര്‍ഭജന്‍ സിംഗ് വ്യക്തമാക്കി. ദൂസരയ്ക്ക് ദൂസരയെന്ന പേര് വരുവാന്‍ കാരണം എന്നാല്‍ മോയിന്‍ ഖാന്‍ ആണെന്ന് ഹര്‍ഭജന്‍ വ്യക്തമാക്കി. അന്ന് ഇന്ത്യയില്‍ ആരും ഈ വൈവിധ്യം എറിഞ്ഞിരുന്നില്ല.
എന്നാല്‍ വിക്കറ്റിന് പിന്നില്‍ നിന്ന് മോയിന്‍ ഖാന്‍ താരത്തോട് ദൂസര എറിയുവാന്‍ ആവശ്യപ്പെട്ടതിനെത്തുടര്‍ന്നാണ് മറ്റുള്ളവരും ആ വൈവിധ്യത്തെ ദൂസരയെന്ന് വിളിക്കുവാന്‍ തുടങ്ങിയതെന്ന് ഹര്‍ഭജന്‍ വ്യക്തമാക്കി. താന്‍ ഇതിനെ ലെഗ്-കട്ടര്‍ എന്നാണ് വിളിച്ചിരുന്നതെങ്കിലും മോയിന്‍ ഖാന്‍ സ്റ്റംപിന് പിറകില്‍ നിന്ന് വിളിച്ചിരുന്നതാണ് ദൂസരയെ ദൂസരയാക്കിയതെന്നും ഹര്‍ഭജന്‍ സിംഗ് വ്യക്തമാക്കി.
