കോവിഡ് മാനദണ്ഡം ലംഘിച്ച് ഹഫീസ്, താരത്തെ ഐസൊലേറ്റ് ചെയ്തുവെന്ന് അറിയിച്ച് ബോര്‍ഡ്

- Advertisement -

കോവിഡ് മാനദണ്ഡം ലംഘിച്ച് പാക് താരം മുഹമ്മദ് ഹഫീസ്. ബയോ ബബിളിന് പുറത്ത് ഇറങ്ങി ഗോള്‍ഫ് കളിക്കുകയും മറ്റൊരു വ്യക്തിയുമായുള്ള ചിത്രം തന്റെ ട്വിറ്ററില്‍ പങ്കുവെച്ച് ഹഫീസ് തന്നെയാണ് ഈ വിഷയം ലോകത്തെ അറിയിക്കുന്നത്. താരത്തെ ഐസൊലേറ്റ് ചെയ്തിട്ടുണ്ടെന്നാണ് പാക്കിസ്ഥാന്‍ ക്രിക്കറ്റ് ബോര്‍ഡ് പ്രഖ്യാപിച്ചിരിക്കുന്നത്.

അറിയാതെ പറ്റിയ പിഴവാണ് ഇതെങ്കിലും എത്രത്തോളം പ്രധാനമുള്ളതാണ് കോവിഡ് മാനദണ്ഡങ്ങളെന്ന് ഏവരെയും ഓര്‍മ്മപ്പെടുത്തുവാന്‍ ഹഫീസിന്റെ ഈ പിഴവ് ഉപകരിക്കുമെന്നാണ് ബോര്‍ഡ് വ്യക്തമാക്കിയത്. താരത്തിന്റെ ടെസ്റ്റ് നെഗറ്റീവാണെങ്കില്‍ മാത്രമേ ഇനി ടീമിനൊപ്പം ചേരുവാന്‍ സമ്മതിക്കുകയുള്ളു. ഫലം നാളെ ലഭിയ്ക്കുമെന്നാണ് പ്രതീക്ഷിക്കുന്നത്.

Advertisement