റോസ് ടെയിലര്‍, റോയല്‍ ലണ്ടന്‍ വണ്‍-ഡേ കപ്പില്‍ എത്തും

- Advertisement -

ഇംഗ്ലണ്ടിലെ കൗണ്ടികള്‍ തമ്മിലുള്ള ഏകദിന ടൂര്‍ണ്ണമെന്റായ റോയല്‍ ലണ്ടന്‍ വണ്‍-ഡേ കപ്പില്‍ റോസ് ടെയിലര്‍ കളിക്കും. ഇംഗ്ലീഷ് കൗണ്ടിയായ മിഡില്‍സെക്സിനു വേണ്ടിയാണ് ലണ്ടന്‍ വഡേ കപ്പില്‍ കളിക്കുവാനായി റോസ് ടെയിലര്‍ എത്തുന്നത്. ലോകകപ്പിനു മുമ്പാണ് താരം ഇംഗ്ലണ്ടില്‍ ടൂര്‍ണ്ണമെന്റിനായി എത്തുന്നത്.

സറേയ്ക്കെതിരെ ഏപ്രില്‍ 25നുള്ള ആദ്യ മത്സരത്തില്‍ താരം തന്റെ മിഡില്‍സെക്സ് അരങ്ങേറ്റം കുറിയ്ക്കും. അടുത്ത അഞ്ച് മത്സരങ്ങളും പ്ലേ ഓഫുകളും സെമിയും കളിക്കുവാനായി കൗണ്ടിയ്ക്കൊപ്പം താരം ഉണ്ടാകുമെങ്കിലും ടീം ഫൈനലിനു യോഗ്യത നേടിയാല്‍ താരം മത്സരത്തിനുണ്ടാകില്ല. കെന്നിംഗ്ടണ്‍ ഓവലില്‍ ഇന്ത്യയ്ക്കെതിരെ ലോകകപ്പ് സന്നാഹ മത്സരം കളിക്കാന്‍ താരം യാത്രയാകുന്നതിനാലാണ് ഇത്.

Advertisement