അഫ്ഗാന്‍ യുവ സ്പിന്നര്‍ മുജീബ് ഉര്‍ റഹ്മാനുമായി വീണ്ടും കരാറിലെത്തി മിഡിൽസെക്സ്. 2022 ടി20 ബ്ലാസ്റ്റിന് വേണ്ടിയാണ് താരത്തെ ഫ്രാഞ്ചൈസി ടീമിലെത്തിച്ചിരിക്കുന്നത്. 2019ൽ ക്ലബ്ബുമായി താരം സഹകരിച്ചിട്ടുണ്ട്. നിലവിൽ ഐസിസി ടി20 ബൗളര്‍മാരുടെ റാങ്കിംഗിൽ ഏഴാം സ്ഥാനത്തുള്ള അഫ്ഗാന്‍ ബൗളര്‍ സീസണിലെ മുഴുവന്‍ മത്സരങ്ങളിലും ഫ്രാഞ്ചൈസിയ്ക്കൊപ്പമുണ്ടാകും.
ഐപിഎൽ ലേലത്തിലും താരം പേര് നല്‍കിയിട്ടുണ്ട്. മുമ്പ് പഞ്ചാബ്, സൺറൈസേഴ്സ് എന്നിവര്‍ക്കായി കളിച്ചിട്ടുള്ള താരത്തിന് ടീമിൽ സ്ഥിരം സാന്നിദ്ധ്യം ആകുവാന്‍ സാധിച്ചിട്ടില്ല.
