മിഡില്‍സെക്സിലേക്ക് രണ്ടാം വരവിനായി മുജീബ് എത്തുന്നു

ടി20 ബ്ലാസറ്റില്‍ അഫ്ഗാന്‍ സ്പിന്നര്‍ മുജീബ് ഉര്‍ റഹ്മാനെ സ്വന്തമാക്കി മിഡില്‍സെക്സ്. 2019 സീസണില്‍ ടീമിനായി കളിച്ചിട്ടുള്ള താരമാണ് മുജീബ്. അന്ന് പത്ത് മത്സരങ്ങളില്‍ ടീമിനായി താരം കളിച്ചപ്പോള്‍ ഇത്തവണ ക്വാര്‍ട്ടര്‍ ഫൈനല്‍ മത്സരങ്ങള്‍ വരെ ടീം യോഗ്യത നേടുകയാണെങ്കില്‍ താരം ഒപ്പമുണ്ടാകും.

മിഡില്‍സെക്സില്‍ താന്‍ ചിലവഴിച്ച സമയം ആനന്ദകരമായിരുന്നുവെന്നും തിരിച്ചുവരുവാനാകുന്നതില്‍ സന്തോഷമുണ്ടെന്നും മുജീബ് വ്യക്തമാക്കി. പവര്‍ പ്ലേയില്‍ കണിശതയോടെ പന്തെറിയുവാനുള്ള താരത്തിന്റെ കഴിവ് താരത്തെ വ്യത്യസ്തമാക്കുന്നുവെന്നും ടീമിന് ഒരു മുതല്‍ക്കൂട്ടാണ് താരമെന്നും കോച്ച് സ്റ്റുവര്‍ട് ലോയും അഭിപ്രായപ്പെട്ടു.