വിന്‍ഡീസിനെതിരെയുള്ള പരമ്പരയ്ക്ക് ശേഷം മിക്കി ആര്‍തര്‍ ശ്രീലങ്കന്‍ കോച്ചിംഗ് സ്ഥാനം ഒഴിയും

Mickeyarthur

ശ്രീലങ്കന്‍ മുഖ്യ കോച്ച് മിക്കി ആര്‍തര്‍ ഈ മാസം നടക്കാനിരിക്കുന്ന വിന്‍ഡീസ് ടെസ്റ്റ് പരമ്പരയ്ക്ക് ശേഷം സ്ഥാനം ഒഴിയും. കഴിഞ്ഞ വര്‍ഷം ഫെബ്രുവരിയിലാണ് ആര്‍തര്‍ ശ്രീലങ്കയുടെ കോച്ചായി എത്തിയത്.

ഡെര്‍ബിഷയറിന്റെ ഹെഡ് ഓഫ് ക്രിക്കറ്റെന്ന പദവി ആണ് ആര്‍തര്‍ പുതുതായി ഏറ്റെടുക്കുവാന്‍ പോകുന്നത്. 2021 സീസണിന് ശേഷം ഡെര്‍ബിഷയര്‍ ഹെഡ് ഓഫ് ക്രിക്കറ്റ് പദവി ഒഴിയുന്ന ഡേവ് ഹൗട്ടണ് പകരം ആണ് മിക്കി ആര്‍തര്‍ എത്തുന്നത്.

2017ൽ പാക്കിസ്ഥാനൊപ്പം ചാമ്പ്യന്‍സ് ട്രോഫി നേടിയ ആര്‍തര്‍ അതിന് മുമ്പ് ഓസ്ട്രേലിയ, ദക്ഷിണാഫ്രിക്ക എന്നീ ടീമുകളെയും പരിശീലിപ്പിച്ചിട്ടുണ്ട്.

Previous articleഅയര്‍ലണ്ട് കോച്ചിംഗ് സ്ഥാനം ഒഴിഞ്ഞ് ഗ്രഹാം ഫോര്‍ഡ്
Next articleസാം കെർ മാജിക്ക് ചെൽസിയിൽ തുടരും