മേജർ ക്രിക്കറ്റ് ലീഗ് 2023 ലെ ആവേശകരമായ പോരാട്ടത്തിൽ, ലോസ് ഏഞ്ചൽസ് നൈറ്റ് റൈഡേഴ്സിനെ 105 റൺസിന് തോൽപ്പിച്ച് എംഐ ന്യൂയോർക്ക്. ടൂർണമെന്റിന്റെ ആറാം മത്സരത്തിൽ മികച്ച ബൗളിംഗ് പ്രകടനമാണ് MIയെ സഹായിച്ചത്. ആദ്യം ബാറ്റു ചെയ്ത് എം ഐ ന്യൂയോർക്ക് നിശ്ചിത 20 ഓവറിൽ 8 വിക്കറ്റ് നഷ്ടത്തിൽ 155 റൺസ് എന്ന ഭേദപ്പെട്ട സ്കോറാണ് എടുത്തത്.
വെറും 21 പന്തിൽ നിന്ന് 48 റൺസ് നേടി ടിം ഡേവിഡ് ഇന്നിംഗ്സാണ് അവർക്ക് കരുത്തായത്. 37 പന്തിൽ നിന്ന് വിലപ്പെട്ട 38 റൺസ് നേടിയ പൂരനും മികച്ച പ്രകടനം കാഴ്ചവെച്ചു. കോൺ ഡ്രൈയും 2/10, ആദം സാമ്പയും 2/25 നൈറ്റ് റൈഡേഴ്സിബായി ബൗളു കൊണ്ട് തിളങ്ങി.
മറുപടി ബാറ്റിങിന് ഇറങ്ങിയ ലോസ് ഏഞ്ചൽസ് നൈറ്റ് റൈഡേഴ്സിന്റെ ബാറ്റിംഗ് ഓർഡർ തുടക്കത്തിൽ തന്നെ തകർന്നു. വെറും 13.5 ഓവറിൽ 50 റൺസിന് അവർ പുറത്തായി. 26 പന്തിൽ 26 റൺസ് നേടിയ ഉൻമുക്ത് ചന്ദ് മാത്രമാണ് നൈറ്റ് റൈഡേഴ്സിന് വേണ്ടി തിളങ്ങിയത്. എഹ്സാൻ ആദിലും നോസ്തുഷ് കെൻജിഗെയും 2 വിക്കറ്റുകൾ വീതം വീഴ്ത്തി.
