താന്‍ നേരിട്ടത്തില്‍ ഏറ്റവും മികച്ച ബൗളര്‍ മുഹമ്മദ് ആസിഫ് ആണെന്ന് പറഞ്ഞ് ഹഷിം അംല. ന്യൂബോളില്‍ രണ്ട് വശത്തേക്കും പന്തിനെ എത്തിക്കുവാന്‍ കഴിവുള്ള താരമായിരുന്നു ആസിഫ് എന്ന് അംല അഭിപ്രായപ്പെട്ടു. ആസിഫിനെ നേരിടുമ്പോള്‍ ഓരോ ബോളിലും ഔട്ട് ആയേക്കാമെന്ന ചോദ്യം തന്റെ മനസ്സിലുണ്ടായിരുന്നുവെന്നും അംല വ്യക്തമാക്കി.
മികച്ച താരമായി വളര്‍ന്നേക്കാവുന്ന ആസിഫ് പിന്നീട് ഡോപ്പിംഗ് ലംഘനവും 2010ലെ സ്പോട്ട്ഫിക്സിംഗ് വിവാദത്തിലും പെട്ടതോടെ തന്റെ കരിയറിന് വിരാമം ഇടേണ്ടി വരികയായിരുന്നു.
