കന്നി വിക്കറ്റ് നേടി റഖീം കോണ്‍വാല്‍, അര്‍ദ്ധ ശതകത്തിനരികെ മയാംഗ് അഗര്‍വാള്‍

സബീന പാര്‍ക്കില്‍ വിന്‍ഡീസിനെതിരെ ആദ്യം ബാറ്റ് ചെയ്യാനെത്തിയ ഇന്ത്യയ്ക്ക് ആദ്യ സെഷനില്‍ രണ്ട് വിക്കറ്റ് നഷ്ടം. ഓപ്പണര്‍ ലോകേഷ് രാഹുലിനെയും (13) ചേതേശ്വര്‍ പുജാരയെയും നഷ്ടമായ ഇന്ത്യയെ മയാംഗ് അഗര്‍വാലാണ് മുന്നോട്ട് നയിച്ചത്. 41 റണ്‍സുമായി താരവും 5 റണ്‍സ് നേടി വിരാട് കോഹ്‍ലിയുമാണ് ക്രീസില്‍ നില്‍ക്കുന്നത്. പുജാര 6 റണ്‍സ് നേടിയാണ് പുറത്തായത്.

മത്സരത്തില്‍ ടോസ് നേടിയ വിന്‍ഡീസ് ബൗളിംഗ് തിരഞ്ഞെടുക്കുകയായിരുന്നു. ജേസണ്‍ ഹോള്‍ഡറും റഖീം കോണവാലുമാണ് വിന്‍ഡീസിനായി വിക്കറ്റുകള്‍ നേടിയത്. തന്റെ അരങ്ങേറ്റ മത്സരത്തില്‍ ചേതേശ്വര്‍ പുജാരയുടെ വിക്കറ്റാണ് കന്നി വിക്കറ്റായി താരം സ്വന്തമാക്കിയത്.

Previous articleമൂന്നാം മത്സരത്തിലും മെസ്സി കളിക്കില്ല, ഗ്രീസ്മാനിൽ പ്രതീക്ഷ അർപ്പിച്ച് ബാഴ്സ
Next articleഔദ്യോഗിക പ്രഖ്യാപനം എത്തി, സ്മാളിംഗ് ഇനി റോമയിൽ