ജന്മദിന പരിപാടിക്കിടെയുണ്ടായ അപകടത്തിൽ കാലിന് പരിക്കേറ്റ ഓസ്ട്രേലിയൻ ഓൾറൗണ്ടർ ഗ്ലെൻ മാക്സ്വെൽ ടീമിൽ നിന്ന് പുറത്ത്. താരം ഇംഗ്ലണ്ടിനെതിരായ ഏകദിന പരമ്പരയിൽ കളിക്കില്ല എന്ന് ക്രിക്കറ്റ് ഓസ്‌ട്രേലിയ ഞായറാഴ്ച സ്ഥിരീകരിച്ചു. 34-കാരൻ ഞായറാഴ്ച ശസ്ത്രക്രിയയ്ക്കും വിധേയനായി.
ശനിയാഴ്ച വൈകുന്നേരം മാക്‌സ്‌വെല്ലും സുഹൃത്തും പിറന്നാൾ ആഘോഷിക്കുന്ന സമയത്ത് ആണ് മാക്സ്വലിന് വീണ് പരിക്കേറ്റത്. നവംബർ 17ന് ആരംഭിക്കുന്ന ഇംഗ്ലണ്ടിനെതിരായ ഏകദിന പരമ്പരയ്ക്കുള്ള ടീമിൽ മാക്‌സ് വെല്ലിന് പകരം സീൻ ആബട്ടിനെ ഉൾപ്പെടുത്തുമെന്ന് ക്രിക്കറ്റ് ഓസ്‌ട്രേലിയ അറിയിച്ചു.
