ബംഗ്ലാദേശിനെതിരെ ചട്ടോഗ്രാം ടെസ്റ്റിന്റെ ആദ്യ ദിവസം അവസാനിക്കുമ്പോള് ശ്രീലങ്ക കരുതുറ്റ നിലയിൽ. 114 റൺസ് നേടിയ ആഞ്ചലോ മാത്യൂസും 34 റൺസുമായി ദിനേശ് ചന്ദിമലും ക്രീസിൽ നിൽക്കുമ്പോള് സന്ദര്ശകര് 258/4 എന്ന നിലയിലാണ് ഒന്നാം ദിവസം അവസാനിപ്പിച്ചത്.
കുശൽ മെന്ഡിസ്(54), ഒഷാഡ ഫെര്ണാണ്ടോ(36) എന്നിവരാണ് റൺസ് കണ്ടെത്തിയ മറ്റു പ്രധാന താരങ്ങള്. ബംഗ്ലാദേശിനായി നയീം ഹസന് രണ്ട് വിക്കറ്റ് നേടി. മൂന്നാം വിക്കറ്റിൽ മെന്ഡിസും മാത്യൂസും ചേര്ന്ന് 92 റൺസ് നേടിയപ്പോള് അഞ്ചാം വിക്കറ്റ് കൂട്ടുകെട്ടിൽ മാത്യൂസും ചന്ദിമലും ചേര്ന്ന് 75 റൺസാണ് ഇതുവരെ നേടിയിട്ടുള്ളത്.
