അഞ്ചാം ദിവസം വെടിക്കെട്ടുമായി ന്യൂസിലാണ്ട്, 9 ഓവറുകള്‍ക്ക് ശേഷം ഇന്നിംഗ്സ് ഡിക്ലയര്‍ ചെയ്തു

- Advertisement -

അഞ്ചാം ദിവസം പുതിയ ബാറ്റിംഗ് തന്ത്രവുമായി ന്യൂസിലാണ്ട്. 9 ഓവറില്‍ നിന്ന് 81 റണ്‍സ് നേടി ഇന്നിംഗ്സ് ഡിക്ലയര്‍ ചെയ്ത ടീം പാക്കിസ്ഥാനു 280 റണ്‍സിന്റെ വിജയ ലക്ഷ്യമാണ് 79 ഓവറില്‍ നിന്ന് നല്‍കിയത്. തങ്ങളുടെ ഇന്നിംഗ്സ് അധികം ദീര്‍ഘിപ്പിക്കാതെ ആക്രമിച്ച് കളിയ്ക്കുക എന്ന ലക്ഷ്യത്തോടെയാണ് ന്യൂസിലാണ്ട് അഞ്ചാം ദിവസം ഗ്രൗണ്ടിലിറങ്ങിയത്.

കെയിന്‍ വില്യംസണെ(139) നഷ്ടമായ ശേഷം ഹെന്‍റി നിക്കോളസും(129*), കോളിന്‍ ഡി ഗ്രാന്‍ഡോം(26), ടിം സൗത്തി(15*) എന്നിവര്‍ ചേര്‍ന്ന് ടീം സ്കോര്‍ 353/7 എന്നെത്തിച്ചപ്പോളാണ് ന്യൂസിലാണ്ടിന്റെ ഡിക്ലറേഷന്‍ വന്നത്. ഇന്ന് വീണ മൂന്ന് വിക്കറ്റുകളില്‍ യസീര്‍ ഷാ രണ്ടും ഹസന്‍ അലി ഒരു വിക്കറ്റും നേടി. ഷാ ഇന്നിംഗ്സിലെ വിക്കറ്റ് നേട്ടം 4 ആയി.

Advertisement