ലാബൂഷാനെ ഓസ്ട്രേലിയയുടെ ഭാവി ക്യാപ്റ്റനാകം – ടിം പെയിൻ

Marnuslabuschagne

ഓസ്ട്രേലിയയുടെ ക്യാപ്റ്റനായി മാറുവാന്‍ ഭാവിയിൽ സാധ്യതയുള്ള താരമാണ് മാര്‍നസ് ലാബൂഷാനെ എന്ന് പറ‍‍‍ഞ്ഞ് ഓസ്ട്രേലിയയുടെ ടെസ്റ്റ് നായകന്‍ ടിം പെയിന്‍. ക്രിക്കറ്റിനെക്കുറിച്ച് മികച്ച അവലോകന ശേഷിയും ചിന്താശേഷിയുമുള്ള താരമാണ് മാര്‍നസ് ലാബൂഷാനെയെന്നും താരം ഓസ്ട്രേലിയയുടെ ക്യാപ്റ്റന്‍സി ഏറ്റെടുക്കുന്നത് കാണാനാകുമെന്നാണ് താന്‍ വിശ്വസിക്കുന്നതെന്നും ടിം പെയിന്‍ വ്യക്തമാക്കി.

2019ല്‍ സ്റ്റീവ് സ്മിത്തും ഡേവിഡ് വാര്‍ണറും ില്ലാത്ത ടീമിന്റെ മൂന്നാം നമ്പര്‍ സ്ഥാനം ഏറ്റെടുത്ത് ആയിരത്തിലധികം ടെസ്റ്റ് റൺസ് ആണ് ഓസ്ട്രേലിയയ്ക്കായി ലാബൂഷാനെ നേടിയത്. ടെസ്റ്റ് താരം മാത്രമല്ല താനെന്ന് ഏകദിന ടീമിലെ മികവാര്‍ന്ന പ്രകടനത്തിലൂടെ താരം കാണിച്ചു.

ഒരു നാച്വറൽ ലീഡറാണ് ലാബൂഷാനെയെന്നും അത് പരിപോഷിച്ചെടുത്താൽ മികച്ചൊരു ക്യാപ്റ്റനായി താരം മാറുമെന്നും ടിം പെയിന്‍ വ്യക്തമാക്കി. രണ്ടോ മൂന്നോ വര്‍ഷത്തിൽ മികച്ചൊരു ക്യാപ്റ്റനായി താരം മാറുമെന്നും ഓസ്ട്രേലിയയടെ നായകനായി താരമെത്തുമെന്നുമാണ് താന്‍ കരുതുന്നതെന്ന് ടിം പെയിന്‍ വ്യക്തമാക്കി.

Previous articleഫൊൻസെക സ്പർസ് പരിശീലകനാകും, ഈ ആഴ്ച പ്രഖ്യാപനം എത്തും
Next articleപാട്രിക് വാൻ കെറ്റ്സ് കേരള ബ്ലാസ്റ്റേഴ്സ് സഹ പരിശീലകനാകും