ഉപനായകനില്ലാതെ ഓസ്ട്രേലിയ, മാര്‍ക്കസ് ഹാരിസ് അരങ്ങേറ്റം നടത്തും

- Advertisement -

ഇന്ത്യയ്ക്കെതിരെയുള്ള ആദ്യ ടെസ്റ്റിനുള്ള ടീം പ്രഖ്യാപിച്ച് ഓസ്ട്രേലിയ. വിക്ടോറിയയുടെ ഓപ്പണര്‍ മാര്‍ക്കസ് ഹാരിസ് തന്റെ ടെസ്റ്റ് അരങ്ങേറ്റം നാളെ നടത്തും. അതേ സമയം ഉപ നായകന്‍ മിച്ചല്‍ മാര്‍ഷിനെ ഒഴിവാക്കി പീറ്റര്‍ ഹാന്‍ഡ്സ്കോമ്പിനു അവസരം ടീം നല്‍കിയിട്ടുണ്ട്. ദക്ഷിണാഫ്രിക്കയിലെയും പാക്കിസ്ഥാനിലെയും മോശം ഫോമാണ് മാര്‍ഷിനു തിരിച്ചടിയായത്.

ഓപ്പണിംഗില്‍ മാര്‍ക്കസ് ഹാരിസും ആരോണ്‍ ഫിഞ്ചുമാവും എത്തുക. ഇതോടെ ഉസ്മാന്‍ ഖ‍വാജ മൂന്നാം നമ്പറിലേക്ക് മാറും. ഷോണ്‍ മാര്‍ഷ്, ഹാന്‍ഡ്സ്കോമ്പ്, ട്രാവിസ് ഹെഡ്, എന്നിവര്‍ക്കൊപ്പം ടിം പെയിന്‍ മധ്യനിരയെ ശക്തിപ്പെടുത്തും. ഓള്‍റൗണ്ടറില്ലാതെ എത്തുന്ന ഓസ്ട്രേലിയയ്ക്ക് നാല് ബൗളിംഗ് ഓപ്ഷനുകള്‍ മാത്രമാണുള്ളത്. പാറ്റ് കമ്മിന്‍സ്, മിച്ചല്‍ സ്റ്റാര്‍ക്ക്, ജോഷ് ഹാസല്‍വുഡ് എന്നിവര്‍ക്കൊപ്പം ഏക സ്പിന്നറായി നഥാന്‍ ലയണും എത്തുന്നും

ഓസ്ട്രേലിയ: മാര്‍ക്കസ് ഹാരിസ്, ആരോണ്‍ ഫിഞ്ച്, ഉസ്മാന്‍ ഖവാജ, ഷോണ്‍ മാര്‍ഷ്, പീറ്റര്‍ ഹാന്‍ഡ്സ്കോമ്പ്, ട്രാവിസ് ഹെഡ്, ടിം പെയിന്‍, പാറ്റ് കമ്മിന്‍സ്, മിച്ചല്‍ സ്റ്റാര്‍ക്ക്, ജോഷ് ഹാസല്‍വുഡ്, നഥാന്‍ ലയണ്‍

Advertisement