ടെസ്റ്റ് ടീമിലേക്ക് മടങ്ങിയെത്തി മുസ്തഫിസുര്‍ റഹ്മാന്‍, ബംഗ്ലാദേശിനെ മഹമ്മദുള്ള നയിക്കും

Sports Correspondent

Download the Fanport app now!
Appstore Badge
Google Play Badge 1

വിന്‍ഡീസ് പരമ്പരയില്‍ നിന്ന് പരിക്ക് മൂലം വിട്ട് നിന്ന മുസ്തഫിസുര്‍ റഹ്മാന്‍ സിംബാബ്‍വേയ്ക്കെതിരെയുള്ള ടെസ്റ്റ് പരമ്പരയ്ക്കുള്ള ടീമില്‍ ഇടം പിടിച്ചു. കരീബിയന്‍ ടൂറില്‍ നിന്നുള്ള ടീമില്‍ ഇതുള്‍പ്പെടെ അഞ്ച് മാറ്റങ്ങളാണ് വരുത്തിയിട്ടുള്ളത്. ആരിഫുള്‍ ഹക്ക്, മുഹമ്മദ് മിഥുന്‍, ഖാലിദ് അഹമ്മദ്, നസ്മുള്‍ ഇസ്ലാം എന്നിവര്‍ ആദ്യമായി ടെസ്റ്റ് ടീമിലേക്ക് ഇടം ലഭിയ്ക്കുകയായിരുന്നു.

മുസ്തഫിസുര്‍ വിന്‍ഡീസ് ടെസ്റ്റ് പരമ്പരയ്ക്കുള്ള ടീമില്‍ സ്റ്റാന്‍ഡ് ബൈ ആയി ഇടം പിടിച്ചിരുന്നുവെങ്കിലും ഐപിഎലിനിടെയേറ്റ പരിക്ക് താരത്തിന്റെ അവസരം നഷ്ടമാക്കുകയായിരുന്നു. കഴിഞ്ഞ വര്‍ഷം ശ്രീലങ്കയ്ക്കെതിരെയാണ് താരം അവസാനമായി ടെസ്റ്റ് കളിച്ചത്.

ഷാക്കിബിന്റെ അഭാവത്തില്‍ ബംഗ്ലാദേശിനെ ടെസ്റ്റില്‍ മഹമ്മദുള്ളയാണ് നയിക്കുക.

ബംഗ്ലാദേശ്: മഹമ്മദുള്ള, ഇമ്രുല്‍ കൈസ്, ലിറ്റണ്‍ ദാസ്, മോമിനുള്‍ ഹക്ക്, നസ്മുള്‍ ഹൊസൈന്‍, മുഷ്ഫിക്കുര്‍ റഹിം, ആരിഫുള്‍ ഹക്ക്, മെഹ്ദി ഹസന്‍, തൈജുള്‍ ഇസ്ലാം, അബു ജയേദ്, ഷൈഫുള്‍ ഇസ്ലാം, മുസ്തഫിസുര്‍ റഹ്മാന്‍, മുഹമ്മദ് മിഥുന്‍, നസ്മുള്‍ ഇസ്ലാം, ഖാലിദ് അഹമ്മദ്.