ദി ഹണ്ട്രെഡില്‍ സൗത്താംപ്ടണ്‍ ഫ്രാഞ്ചൈയുടെ കോച്ചായി മഹേല ജയവര്‍ദ്ധേന. പുരുഷ ടീമിന്റെ കോച്ചായി മഹേലയും സൗത്താംപ്ടണ്‍ വനിത ടീമിന്റെ കോച്ചായി ചാര്‍ലോട്ട് എഡ്വേര്‍ഡ്സും നിയമിക്കപ്പെട്ടിട്ടുണ്ട്. ഷെയിന്‍ ബോണ്ടാണ് ടീമിന്റെ അസിസ്റ്റന്റ് കോച്ച്. ഇരുവരും മുംബൈ ഇന്ത്യന്‍സില്‍ ഒരുമിച്ച് പ്രവര്‍ത്തിച്ച പരിചയവുമുണ്ട്. ഇവരെ കൂടാതെ ടീമിന്റെ പരിശീലക സംഘത്തില്‍ ജിമ്മി ആഡംസ്, റിച്ചാര്‍ഡ് ഹാല്‍സാല്‍ എന്നിവരെയും നിയമിച്ചിട്ടുണ്ട്.
ജയവര്‍ദ്ധനേയും ബോണ്ടും ചേര്‍ന്ന് രണ്ട് ഐപിഎല്‍ കിരീടങ്ങള്‍ ഒരുമിച്ച് നേടിയിട്ടുള്ളവരാണ്.
