ഫ്രാഞ്ചൈസി അധിഷ്ഠിതമായ ടി20 ടൂര്‍ണ്ണമെന്റെന്ന ശ്രീലങ്കന്‍ ക്രിക്കറ്റ് ബോര്‍ഡിന്റെ സ്വപ്ന പദ്ധതിയ്ക്ക് തിരിച്ചടി. ശ്രീലങ്കന്‍ ബോര്‍ഡിന്റെ തിരഞ്ഞെടുപ്പ് വൈകുന്നതിനാല്‍ ടൂര്‍ണ്ണമെന്റ് പിന്നീടൊരു ദിവസം മാത്രമേ ഉണ്ടാകുകയുള്ളു എന്നാണ് ഇപ്പോള്‍ ലഭിക്കുന്ന വിവരം. ലങ്കന്‍ പ്രീമിയര്‍ ലീഗ് ടൂര്‍ണ്ണമെന്റ് ഡയറക്ടര്‍ റസ്സല്‍ ആര്‍ണോള്‍ഡ് സംഭവം ഒരു ട്വീറ്റിലൂടെ സ്ഥിതീകരിച്ചിട്ടുണ്ട്.
Hi Folks !!! The Lankan Premier League which was to be played in Aug/Sep has been postponed. #Uncontrollables @OfficialSLC
— Russel Arnold (@RusselArnold69) July 6, 2018
ഓഗസ്റ്റ് സെപ്റ്റംബര്‍ മാസത്തില്‍ നടക്കേണ്ടിയിരുന്ന ടൂര്‍ണ്ണമെന്റ് മാറ്റിയെന്നാണ് ആര്‍ണോള്‍ഡ് ട്വീറ്റ് ചെയ്തത്. പുതുക്കിയ തീയ്യതിയെക്കുറിച്ചൊന്നും താരം പ്രതികരിച്ചിട്ടില്ല.
ബിസിസിഐ പിന്തുണയോടു കൂടിയുള്ള ടൂര്‍ണ്ണമെന്റെന്ന രീതിയില്‍ ഏറെ മാധ്യമ ശ്രദ്ധ ലഭിച്ച ടൂര്‍ണ്ണമെന്റായിരുന്നു എല്‍പിഎല്‍. ചില സീനിയര്‍ താരങ്ങളെ ടൂര്‍ണ്ണമെന്റില്‍ പങ്കെടുക്കുവാന്‍ ബിസിസിഐ സമ്മതിക്കുമെന്നാണ് ലഭിക്കുന്ന വിവരം. യൂസഫ് പത്താന്‍, യുവരാജ് സിംഗ്, ഹര്‍ഭജന്‍ സിംഗ് എന്നിവരായിരുന്നു അവര്‍.
കൂടുതൽ കായിക വാർത്തകൾക്ക് : www.facebook.com/FanportOfficial
