2021 ടി20 ബ്ലാസ്റ്റ് സീസണില്‍ ന്യൂസിലാണ്ട് പേസര്‍ ലോക്കി ഫെര്‍ഗൂസണ്‍ എത്തുന്നു. താരം യോര്‍ക്ക്ഷയറുമായാണ് കരാറില്‍ എത്തിയത്. നവംബര്‍ മുതല്‍ പരിക്ക് കാരണം താരം ക്രിക്കറ്റില്‍ നിന്ന് വിട്ട് നില്‍ക്കുകയാണ്. അന്താരാഷ്ട്ര മത്സരങ്ങളില്ലെങ്കില്‍ താരം യോര്‍ക്ക്ഷയറിന്റെ നോര്‍ത്ത് ഗ്രൂപ്പ് മത്സരങ്ങള്‍ക്കെല്ലാം തന്നെയുണ്ടാവുമെന്നാണ് ക്ലബ് വ്യക്തമാക്കിയത്.
കൊല്‍ക്കത്ത നൈറ്റ് റൈഡേഴ്സുമായുള്ള ഐപിഎല്‍ സീസണിന് ശേഷമാവും താരം യോര്‍ക്ക്ഷയറിനൊപ്പം എത്തുന്നത്. 2018ല്‍ താരം ഡെര്‍ബിഷയറിന് വേണ്ടി കൗണ്ടി സീസണിലും ടി20 ബ്ലാസ്റ്റിലും കളിച്ചിട്ടുണ്ട്. 16 ടി20 വിക്കറ്റുകളാണ് ആ സീസണില്‍ താരം നേടിയത്.
