ദക്ഷിണാഫ്രിക്കൻ ഫാസ്റ്റ് ബൗളർ ഡെയ്ൽ സ്റ്റെയ്ൻ ലങ്ക പ്രീമിയർ ലീഗ് ക്ലബായ കാൻഡി ടസ്കേഴ്സിൽ കളിക്കും. വരുന്ന വ്യാഴാഴ്ച തുടങ്ങുന്ന ടൂർണമെന്റിൽ താരം കളിക്കുന്ന വിവരം കാൻഡി ടസ്‌കേഴ്‌സ് തന്നെയാണ് അറിയിച്ചത്. സിംബാബ്‌വെ താരം ബ്രെണ്ടൻ ടെയ്‌ലറും കാൻഡി ടസ്കേഴ്സിന് വേണ്ടി കളിക്കുമെന്ന് ടീം നേരത്തെ വ്യക്തമാക്കിയിരുന്നു. ടൂർണമെന്റിലെ ആദ്യ മത്സരത്തിൽ കൊളംബോ കിങ്‌സ് ആണ് കാൻഡി ടസ്‌കേഴ്‌സി എതിരാളികൾ.
കഴിഞ്ഞ ദിവസം പരിക്ക് മൂലം സൂപ്പർ താരം ക്രിസ് ഗെയ്‌ലും കൊറോണ വൈറസ് ബാധ മൂലം പാകിസ്ഥാൻ താരം സുഹൈൽ തൻവീറും ടീമിൽ നിന്ന് പുറത്തുപോയിരുന്നു. കൊറോണ വൈറസ് ബാധ സ്ഥിരീകരിച്ച സുഹൈൽ തൻവീർ 14 ദിവസത്തെ ക്വറന്റൈൻ പൂത്തിയാക്കിയതിന് ശേഷം മാത്രമാവും ടീമിലേക്ക് തിരികെ വരുക. സുഹൈൽ തൻവീറിന് പകരക്കാരനായിട്ടാണ് ഡെയ്ൽ സ്റ്റെയ്ൻ കാൻഡി ടസ്കേഴ്സിൽ എത്തുന്നത്. എന്നാൽ താരത്തിന് കാൻഡി ടസ്‌കേഴ്‌സിന്റെ ആദ്യ മത്സരങ്ങൾ ക്വറന്റൈൻ മൂലം നഷ്ടമാവുമെന്നാണ് കരുതപ്പെടുന്നത്.
