ലങ്ക പ്രീമിയർ ലീഗിൽ നിന്ന് ഗെയ്ല് പിന്മാറി

Chirsgayle
- Advertisement -

ഐ പി എല്ലിൽ എല്ലാവരെയും ത്രില്ലടിപ്പിച്ച പ്രകടനങ്ങൾ കാഴ്ചവെച്ച ക്രിസ് ഗെയ്ല് പക്ഷെ ലങ്ക പ്രീമിയർ ലീഗിൽ കളിക്കില്ല. താരവും ഗെയ്ല് കളിക്കേണ്ടിയിരുന്ന ക്ലബായ കാൻഡി ടസ്കേഴ്സും ഗെയ്ല് ടൂർണമെന്റിന് ഉണ്ടാകില്ല എന്ന് ഔദ്യോഗികമായി അറിയിച്ചു. വ്യക്തിപരമായ കാരണങ്ങൾ കൊണ്ടാണ് ഗെയ്ല് ടൂർണമെന്റിൽ നിന്ന് പിന്മാറുന്നത്. പ്രഥമ ലങ്കൻ പ്രീമിയർ ലീഗിൽ ഇത് ടസ്കേഴ്സിന് വലിയ തിരിച്ചടിയായി മാറും.

ഇന്ത്യൻ താരങ്ങളായ ഇർഫാൻ പഠാൻ, മുനാഫ് പട്ടേൽ എന്നിവർ കളിക്കുന്ന ടീം ആണ് കാൻഡി ടസ്കേഴ്സ്. കുശാൽ പെരേര, പ്ലങ്കറ്റ് എന്നിവരും ടസ്കേഴ്സ് ടീമിൽ ഉണ്ട്. ആറ് ടീമുകൾ ഉള്ള ലീഗ് നവംബർ 26നാണ് ആരംഭിക്കുന്നത്

Advertisement