ലാങ്കാഷയറുമായി കരാറിലെത്തി കേശവ് മഹാരാജ്

- Advertisement -

ശേഷിക്കുന്ന കൗണ്ടി സീസണില്‍ ലാങ്കാഷയറിനു വേണ്ടി കളിക്കുവാന്‍ കരാര്‍ ഒപ്പിട്ട് ദക്ഷിണാഫ്രിക്കയുടെ മുന്‍ നിര താരം കേശവ് മഹാരാജ്. ഈ ആഴ്ച സൗത്ത്പോര്‍ട്ടില്‍ നടക്കുന്ന ലാങ്കാഷയറിന്റെ കൗണ്ടി മത്സരത്തില്‍ താരം കളിക്കുമെന്നാണ് പ്രതീക്ഷിക്കപ്പെടുന്നത്. വോര്‍സ്റ്റര്‍ഷയറുമായാണ് മത്സരം. സോമര്‍സെറ്റ്, യോര്‍ക്ക്ഷയര്‍, ഹാംഷയര്‍ എന്നിവരുമായും ടീമിനു മത്സരങ്ങളുണ്ട്.

നിലവില്‍ ലാങ്കാഷയര്‍ കൗണ്ടി ചാമ്പ്യന്‍ഷിപ്പ് ടേബിളില്‍ അവസാന സ്ഥാനക്കാരാണ്. ഇനിയുള്ള മത്സരങ്ങളില്‍ മികച്ച പ്രകടനം പുറത്തെടുക്കുവാന്‍ ടീമിനായില്ലെങ്കില്‍ രണ്ടാം ഡിവിഷനിലേക്ക് ടീം തരം താഴ്ത്തപ്പെടും.

Advertisement