ഇംഗ്ലണ്ടില്‍ ഇന്ത്യയ്ക്ക് തിരിച്ചടിയായത് സന്നാഹ മത്സരങ്ങളുടെ അഭാവമെന്ന് ടീം മുഖ്യ കോച്ച് രവി ശാസ്ത്രി. ബൗളര്‍മാര്‍ മികച്ച് നിന്നുവെങ്കിലും ബാറ്റിംഗില്‍ വിരാട് കോഹ്‍ലിയെ അമിതാശ്രയം ടീമിനു തിരിച്ചടിയായി. വേണ്ടത്ര മാച്ച് പ്രാക്ടീസ് ഇല്ലാത്തതാണ് താരങ്ങള്‍ക്ക് തിരിച്ചടിയായി. തനിക്കെതിരെയും വിമര്‍ശനങ്ങള്‍ ഉയരുന്ന സാഹചര്യത്തിലാണ് സന്നാഹ മത്സരങ്ങള്‍ വേണ്ടത്രയില്ലാതെ പോയതാണ് ടീമിനു തിരിച്ചടിയായതെന്ന് രവി ശാസ്ത്രി പറഞ്ഞു.
ഓസ്ട്രേലിയയില്‍ നടക്കുന്ന ടെസ്റ്റ് പരമ്പരയ്ക്ക് മുമ്പ് ഇന്ത്യ 2-3 സന്നാഹ മത്സരങ്ങള്‍ ആവശ്യപ്പെട്ടിട്ടുണ്ടെന്നും ശാസ്ത്രി വ്യക്തമാക്കി. ഡിസംബറില്‍ നാല് ടെസ്റ്റ് മത്സരങ്ങളുടെ പരമ്പരയ്ക്കായി ഇന്ത്യ ഓസ്ട്രേലിയയിലേക്ക് യാത്രയാകും. മത്സരങ്ങള്‍ക്ക് മുമ്പ് സന്നാഹ മത്സരങ്ങളും കളിക്കുവാനുള്ള സമയമുണ്ടോ എന്നതാണ് പലപ്പോഴും പ്രശ്നമാവുന്നതെന്ന് ശാസ്ത്രി പറഞ്ഞു.
