റോയൽ ചലഞ്ചേഴ്സ് ബാംഗ്ലൂർ നെറ്റ്സിൽ വിരാട് കോഹ്ലിയുടെ ആവശ്യം നിരസിച്ച കൈൽ ജാമിസണിന്റെ തീരുമാനം മികച്ചതെന്ന് പറഞ്ഞ് ന്യൂസിലാണ്ട് താരം ടിം സൌത്തി. ലോക ടെസ്റ്റ് ചാമ്പ്യൻഷിപ്പ് ഫൈനലിൽ ഇന്ത്യയും ന്യൂസിലാണ്ടും ഏറ്റുമുട്ടുവാനിരിക്കുന്നതിനിടയിലാണ് ഐപിഎലിനിടെ ആർസിബി നെറ്റ്സിൽ താരത്തോട് ഡ്യൂക്ക് ബോളിൽ തനിക്കെതിരെ പന്തെറിയുവാൻ കോഹ്ലി ആവശ്യപ്പെട്ടത്.
ഡ്യൂക്ക് ബോളിൽ ന്യൂസിലാണ്ട് ടെസ്റ്റ് ടീമിലുള്ള താരത്തിന്റെ ബൌളിംഗുമായി പൊരുത്തുപ്പെടുവാനുള്ള വിരാട് കോഹ്ലിയുടെ തന്ത്രം നിരസിച്ച കൈൽ ജാമിസണിന്റെ തീരുമാനം മികച്ചതെന്നാണ് ടിം സൌത്തി പറഞ്ഞത്. വിരാടിന്റെ നീക്കം തന്ത്രപരമായിരുന്നുവെങ്കിലും കൈൽ അതിൽ വീഴാത്തതിൽ കൈൽ അഭിനന്ദനം അർഹിക്കുന്നുവെന്ന് ടിം സൌത്തി വ്യക്തമാക്കി.
