ലോകകപ്പ് കളിക്കുവാന്‍ ഏറ്റവും സാധ്യത കുല്‍ദീപിനു, താനും മുന്‍ നിരയില്‍: ചഹാല്‍

- Advertisement -

ലോകകപ്പ് 2019ല്‍ സ്പിന്നര്‍മാരില്‍ ടീമിലിടം പിടിയ്ക്കുവാന്‍ ഏറ്റവും അധികം സാധ്യതയുള്ള താരങ്ങള്‍ താനും കുല്‍ദീപുമാണെന്ന് തുറന്ന് പറഞ്ഞ് യൂസുവേന്ദ്ര ചഹാല്‍. താനും കുല്‍ദീപും അടുത്ത് കുറെ കാലമായി ഏകദിന ടീമിലുണ്ട്. രവീന്ദ്ര ജഡേജയെയും രവിചന്ദ്രന്‍ അശ്വിനെയും പിന്തള്ളിയാണ് തങ്ങള്‍ ഇപ്പോള്‍ ടീമിലുള്ളത്. കൂട്ടത്തില്‍ തന്നെക്കാള്‍ സാധ്യത കുല്‍ദീപിനാണെന്നും ചഹാല്‍ തുറന്ന് പറഞ്ഞു.

സ്വാഭാവികമായി കുല്‍ദീപും താനുമാണ് മുന്‍ നിരയിലുള്ളവര്‍. എന്നാല്‍ ഓസ്ട്രേലിയ, ന്യൂസിലാണ്ട്, ഐപിഎല്‍ എന്നിങ്ങനെ മത്സരങ്ങളുടെ നീണ്ട നിര ബാക്കിയുണ്ട്. അതിനാല്‍ തന്നെ ഒന്നും ഇപ്പോള്‍ നിശ്ചയിച്ചുറപ്പിക്കുവാന്‍ സാധിക്കുന്നതല്ല. കുറെ കാലമായി അശ്വിനും ജഡേജയും ഇന്ത്യയുടെ ഏകദിനത്തിലെ ആദ്യ സ്ഥാനക്കാരല്ലെങ്കിലും ഏഴ് എട്ട് കൊല്ലമായി കഴിവ് തെളിയിച്ചവര്‍ക്ക് മുന്നില്‍ തങ്ങള്‍ക്ക് ഇനിയും ഏറെ സഞ്ചരിക്കുവാനുണ്ടെന്നാണ് ചഹാല്‍ അഭിപ്രായപ്പെട്ടത്.

എന്നാല്‍ കഴിഞ്ഞ ഒരു വര്‍ഷത്തെ പ്രകടനം മുന്‍ നിര്‍ത്തിയാല്‍ താനും കുല്‍ദീപുമാണ് മുന്‍ നിരയില്‍ എന്നും ചഹാല്‍ പറഞ്ഞു നിര്‍ത്തി.

Advertisement