ഇന്ത്യയുടെ യുവ ഓപ്പണര്‍ പൃഥ്വി ഷായ്ക്ക് പിന്തുണയുമായി വിരാട് കോഹ്‍ലി. പൃഥ്വി ന്യൂസിലാണ്ടിലെ വെല്ലിംഗ്ടണില്‍ 16, 14 എന്ന സ്കോറുകളാണ് നേടിയത്. താരത്തിന്റെ പരാജയത്തിലും പിന്തുണയുമായി ഇന്ത്യന്‍ നായകന്‍ വിരാട് കോഹ്‍ലി എത്തുകയായിരുന്നു. പൃഥ്വി ഇന്ത്യയ്ക്ക് പുറത്ത് വെറും രണ്ട് മത്സരങ്ങളാണ് കളിച്ചിട്ടുള്ളതെന്നും നാച്വറല്‍ സ്ട്രോക്ക് മേക്കറായ താരം അതിനാല്‍ തന്നെ റണ്‍സ് ഉടനെ കണ്ടെത്തുമെന്നും വിരാട് അഭിപ്രായപ്പെട്ടു.
ഇരു ഇന്നിംഗ്സിലും മികച്ച പ്രകടനം പുറത്തെടുത്ത മയാംഗ് അഗര്‍വാളിനെയും പ്രശംസിക്കുവാന്‍ കോഹ്‍ലി മറന്നില്ല. മയാംഗ് ആദ്യ ഇന്നിംഗ്സില്‍ 34 റണ്‍സും രണ്ടാം ഇന്നിംഗ്സില്‍ 51 റണ്‍സുമാണ് വെല്ലിംഗ്ടണില്‍ നേടിയത്.
