കെഎൽ രാഹുല്‍ കോവിഡ് പോസിറ്റീവ് ആയി എന്ന് അറിയിച്ച് ബിസിസിഐ പ്രസിഡന്റ് സൗരവ് ഗാംഗുലി. ഇതോടെ വെസ്റ്റിന്‍ഡീസിനെതിരെയുള്ള ടി20 പരമ്പരയിൽ താരം കളിക്കില്ലന്നും ഗാംഗുലി അറിയിച്ചു. നിലവിൽ ബെംഗളൂരുവിലെ ദേശീയ ക്രിക്കറ്റ് അക്കാഡമിയിൽ റീഹാബ് നടപടിയിലൂടെ കടന്ന് പോകുകയാണ് കെഎൽ രാഹുല്‍.
ജൂലൈ 29 മുതൽ ഓഗസ്റ്റ് ഏഴ് വരെയാണ് ടി20 പരമ്പര നടക്കുന്നത്. അടുത്തിടെ രാഹുല്‍ ജര്‍മ്മനിയിൽ ശസ്ത്രക്രിയയ്ക്ക് വിധേയനായിരുന്നു. അതിന് ശേഷം ആണ് എന്‍സിഎയില്‍ റീഹാബിനായി താരം എത്തിയത്.
അതേ സമയം രവീന്ദ്ര ജഡേജയെ ഇന്ത്യ ഏകദിന പരമ്പരയിൽ നിന്ന് വിശ്രമം നൽകിയേക്കുമെന്നാണ് ലഭിയ്ക്കുന്ന വിവരം. താരത്തിന്റെ കാൽമുട്ടിന്റെ ചെറിയ അസ്വസ്ഥത പരിഗണിച്ചാണ് ഈ തീരുമാനം. താരം ടി20 പരമ്പരയ്ക്കായി മടങ്ങിയെത്തുമെന്നാണ് അറിയുന്നത്.
