റോബിന്‍ ഉത്തപ്പ കേരളത്തിന്റെ സാധ്യത സ്ക്വാഡില്‍, യുവ താരം വത്സല്‍ ഗോവിന്ദും പട്ടികയില്‍

0
റോബിന്‍ ഉത്തപ്പ കേരളത്തിന്റെ സാധ്യത സ്ക്വാഡില്‍, യുവ താരം വത്സല്‍ ഗോവിന്ദും പട്ടികയില്‍

2019-20 സീസണിലേക്കുള്ള കേരളത്തിന്റെ സാധ്യത പട്ടിക പുറത്ത് വിട്ടു. മുന്‍ കര്‍ണ്ണാടക താരം റോബിന്‍ ഉത്തപ്പ കേരളത്തിന്റെ ടീമില്‍ ഇടം പിടിച്ചിട്ടുണ്ട്. 25 അംഗ സംഘത്തെയാണ് കേരള ക്രിക്കറ്റ് അസോസ്സിയേഷന്‍ പ്രഖ്യാപിച്ചിരിക്കുന്നത്. കഴിഞ്ഞ രണ്ട് സീസണുകളിലായി രഞ്ജിയില്‍ മികച്ച പ്രകടനം കേരളം പുറത്തെടുക്കുന്നുണ്ട്. യുവ താരം വത്സല്‍ ഗോവിന്ദും സാധ്യത പട്ടികയില്‍ ഇടം പിടിച്ചിട്ടുണ്ട്.

കഴിഞ്ഞ സീസണില്‍ മോശം പ്രകടനം കാഴ്ചവെച്ച അരുണ്‍ കാര്‍ത്തിക്കിനു പകരമാണ് റോബിന്‍ ഉത്തപ്പ എത്തുന്നത്. ടീമിന്റെ ക്യാമ്പ് ജൂണ്‍ 19ന് വയനാട്ടിലെ കൃഷ്ണഗിരി സ്റ്റേഡിയത്തില്‍ നടക്കും. ഡേവ് വാട്‍മോര്‍ പരിശീലകനായിട്ടുള്ള ടീമിന്റെ സഹ പരിശീലകന്‍ സോണി ചെറുവത്തൂര്‍ ആണ്.

കേരള സീനിയര്‍ ടീം സാധ്യത പട്ടിക: റോബിന്‍ ഉത്തപ്പ, ബേസില്‍ തമ്പി, ജലജ് സക്സേന, സഞ്ജു സാംസണ്‍, നിധീഷ് എംഡി, രോഹന്‍ പ്രേം, കെഎം ആസിഫ്, സച്ചിന്‍ ബേബി, അഭിഷേക് മോഹന്‍, മിഥുന്‍ എസ്, സല്‍മാന്‍ നിസാര്‍, മുഹമ്മദ് അസ്ഹറുദ്ദീന്‍, വിനൂപ് മനോഹരന്‍, രോഹന്‍ എസ് കുന്നുമ്മല്‍, സിജോമോന്‍ ജോസഫ്, ആനന്ദ് ജോസഫ്, വിഷ്ണു വിനോദ്, രാഹുല്‍ പി, വത്സല്‍ ഗോവിന്ദ്, മോനിഷ് കെ, അക്ഷയ് കെസി, അക്ഷയ് ചന്ദ്രന്‍, ഫനൂസ് എഫ്.