67 റണ്‍സിന് ഓള്‍ഔട്ടായി കേരളം, 7 വിക്കറ്റ് വിജയം സ്വന്തമാക്കി ബറോഡ

ബറോഡയ്ക്കെതിരെ വിനു മങ്കഡ് ട്രോഫിയില്‍ കേരളത്തിന്റെ മോശം പ്രകടനം. ആദ്യം ബാറ്റ് ചെയ്ത കേരളം 35.5 ഓവറില്‍ 67 റണ്‍സിന് ഓള്‍ഔട്ട് ആയപ്പോള്‍ ലക്ഷ്യം 3 വിക്കറ്റ് നഷ്ടത്തില്‍ 13.5 ഓവറില്‍ മറികടന്ന് 7 വിക്കറ്റിന്റെ വിജയം കരസ്ഥമാക്കി ബറോഡ. 34 റണ്‍സ് നേടി പുറത്താകാതെ നിന്ന മുഹമ്മദ് ഹാരിസ് കൈഫ് ആണ് കേരളത്തിന്റെ ടോപ് സ്കോറര്‍. ബറോഡയ്ക്ക് വേണ്ടി അര്‍ച്ചര്‍ പരാഗ് കോത്താരി നാല് വിക്കറ്റും മല്‍ഹാര്‍ ഹരേഷ്ഭായി ഖേവാരിയ മൂന്ന് വിക്കറ്റും നേടി.

ശാശ്വത് റാവത്ത് പുറത്താകാതെ 34 റണ്‍സ് നേടിയാണ് ബറോഡയുടെ വിജയം ഉറപ്പാക്കിയത്. ടീമിന് തുടക്കത്തില്‍ വിക്കറ്റുകള്‍ നഷ്ടമായെങ്കിലും ലക്ഷ്യം തീരെ ചെറുതായതിനാല്‍ വിജയം അനായാസമായി നേടുവാനായി.

Previous articleചാമ്പ്യൻസ് ലീഗിനേക്കാൾ പ്രധാനം ലാലിഗ ആണെന്ന് മെസ്സി
Next articleഏഷ്യൻ പെയിന്റ്സ് കേരള ബ്ലാസ്റ്റേഴ്‌സിന്റെ മെയിൻ സ്പോൺസർ