ടി20 ബ്ലാസ്റ്റ്, സോമര്‍സെറ്റുമായി കരാറിലേര്‍പ്പെട്ട് ജെറോം ടെയിലര്‍

- Advertisement -

സോമര്‍സെറ്റിന്റെ ശേഷിക്കുന്ന 9 മത്സരങ്ങള്‍ക്കായി ടീമുമായി കരാറിലേര്‍പ്പെട്ട് ജെറോം ടെയിലര്‍. ജൂലൈ 27നു സറേയുമായുള്ള ഫിക്സ്ച്ചറിലും ടീം നോക്ക്ഔട്ട് റൗണ്ടിലേക്ക് യോഗ്യത നേടുകയാണെങ്കില്‍ ആ മത്സരങ്ങളിലുമാവും ടെയിലറുടെ സേവനം സോമര്‍സെറ്റിനു ലഭ്യമാവുക. 2016 ടി20 ലോകകപ്പ് നേടിയ വിന്‍ഡീസ് ടീമിലെ അംഗമായിരുന്നു ജെറോം ടെയിലര്‍. ഇംഗ്ലണ്ടില്‍ മുമ്പ് സസ്സെക്സ്, ലെസെസ്റ്റര്‍ഷയര്‍ എന്നിവര്‍ക്കായി കളിച്ച് പരിചയമുള്ള താരമാണ് ജെറോം ടെയിലര്‍.

ടി20 ബ്ലാസ്റ്റ് സൗത്ത് ഡിവിഷനില്‍ സോമര്‍സെറ്റ് നിലവില്‍ ആറാം സ്ഥാനത്താണ്. രണ്ട് വിജയങ്ങളും രണ്ട് പരാജയങ്ങളുമാണ് ടീമിന്റെ അക്കൗണ്ടില്‍ ഇതുവരെയുള്ളത്.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement