ടി20 പരമ്പരയില്‍ ക്വിന്റണ്‍ ഡി കോക്ക് ഇല്ല, പകരക്കാരനെ വിളിച്ച് ദക്ഷിണാഫ്രിക്ക

- Advertisement -

പാക്കിസ്ഥാനെതിരെയുള്ള ടി20 പരമ്പരയില്‍ നിന്ന് ഒഴിവായി ക്വിന്റണ്‍ ഡി കോക്ക്. ഇന്നലെ നടന്ന ആദ്യ മത്സരത്തില്‍ കളിക്കാതിരുന്ന താരത്തിനു പരമ്പര പൂര്‍ണ്ണമായും നഷ്ടമാകുമെന്നും പകരം താരത്തെ ടീമില്‍ ദക്ഷിണാഫ്രിക്ക ഉള്‍പ്പെടുത്തുകയും ചെയ്തു. ജാന്നെമാന്‍ മലനെയാണ് ഡി കോക്കിനു പകരം ടീമിലെത്തിച്ചിരിക്കുന്നത്.

പാക്കിസ്ഥാനെതിരെ അഞ്ചാം ഏകദിനത്തിനിടെയാണ് ഡി കോക്കിനു പരിക്കേറ്റത്. ടി20 ആദ്യ മത്സരത്തില്‍ താരം കളിക്കാതിരുന്നപ്പോളാണ് പരിക്ക് അല്പം ഗുരുതരമാണെന്ന് വ്യക്തമാകുന്നത്. താരം ശ്രീലങ്കയ്ക്കെതിരെയുള്ള ടെസ്റ്റ് പരമ്പരയില്‍ ടീമിലേക്ക് തിരികെ എത്തുമെന്നാണ് ദക്ഷിണാഫ്രിക്ക ടീം അധികൃതര്‍ വിശ്വാസം പ്രകടിപ്പിച്ചത്.

Advertisement