ഷാരൂഖ് ഖാന്റെ മുന്നില്‍ ഇത്തരം പ്രകടനം നടത്തുവാനായതില്‍ ഏറെ സന്തോഷം

Rahul Tripathi
- Advertisement -

ഷാരൂഖ് ഖാന്റെ മുന്നില്‍ ഇത്തരത്തില്‍ ഒരു പ്രകടനം പുറത്തെടുക്കുവാനായതില്‍ ഏറെ സന്തോഷമുണ്ടെന്ന് പറഞ്ഞ് കൊല്‍ക്കത്ത നൈറ്റ് റൈഡേഴ്സ് താരം രാഹുല്‍ ത്രിപാഠി. തന്റെ പ്ലെയര്‍ ഓഫ് ദി മാച്ച് അവാര്‍ഡിന് ശേഷം സംസാരിക്കവേയാണ് താരം ഇത് പറഞ്ഞത്. ഒരു സ്വപ്ന സാക്ഷാത്കാരം പോലെയാണ് തനിക്ക് ഇത് സാധിച്ചപ്പോള്‍ തോന്നുന്നതെന്നും താരം വ്യക്തമാക്കി.

ഓപ്പണിംഗ് ആയാലും ഇന്നിംഗ്സിന്റെ അവസാന ഘട്ടത്തിലായാലും താന്‍ ബാറ്റ് ചെയ്യുവാന്‍ തയ്യാറെടുത്തിരുന്നുവെന്നും ഇത്തരം പ്രകടനം പുറത്തെടുക്കുവാനായതില്‍ ഏറെ സന്തോഷമുണ്ടെന്നും ത്രിപാഠി വ്യക്തമാക്കി. ബോള്‍ ബാറ്റിലേക്ക് മികച്ച രീതിയില്‍ വരുന്നുണ്ടായിരുന്നുവെന്നും അതിനാല്‍ തന്നെ സ്കോര്‍ ബോര്‍ഡ് ചലിപ്പിക്കുക എന്ന ലക്ഷ്യത്തോടെയാണ് ആ ഷോട്ടുകള്‍ താന്‍ കളിച്ചതെന്നും ത്രിപാഠി വ്യക്തമാക്കി.

51 പന്തില്‍ നിന്ന് 81 റണ്‍സ് നേടിയ താരത്തിന്റെ പ്രകടനം ആണ് മത്സരത്തില്‍ കൊല്‍ക്കത്തയെ 167 റണ്‍സിലേക്ക് എത്തിച്ചത്. മറ്റു താരങ്ങള്‍ക്കാര്‍ക്കും തന്നെ 20ന് മേലെയുള്ള സ്കോര്‍ നേടുവാന്‍ സാധിച്ചിരുന്നില്ല.

Advertisement