സഞ്ജുവിന് പിന്നാലെ സ്മിത്തിനും അര്‍ദ്ധ ശതകം, തകര്‍പ്പന്‍ ഇന്നിംഗ്സിന് ശേഷം സഞ്ജു പുറത്ത്

Sanjusmith

സഞ്ജു സാംസണിന്റെ വെടിക്കെട്ട് അര്‍ദ്ധ ശതകത്തിന് പിന്നാലെ ക്യാപ്റ്റന്‍ സ്റ്റീവന്‍ സ്മിത്തും തന്റെ അര്‍ദ്ധ ശതകം നേടിയപ്പോള്‍ രാജസ്ഥാന്‍ റോയല്‍സ് കൂറ്റന്‍ സ്കോറിലേക്ക് കുതിയ്ക്കുന്നു. സ്മിത്ത് 35 പന്തില്‍ നിന്നാണ് തന്റെ അര്‍ദ്ധ ശതകം നേടിയത്. ഒരു വശത്ത് സഞ്ജു സാംസണ്‍ സിക്സറുകളുടെ പെരുമഴയൊരുക്കിയപ്പോള്‍ സ്മിത്ത് മികച്ച രീതിയില്‍ സഞ്ജുവിന് പിന്തുണ നല്‍കി തന്റെ അര്‍ദ്ധ ശതകം തികയ്ക്കുകയായിരുന്നു.

12 ഓവറുകള്‍ പിന്നിട്ടപ്പോള്‍ രാജസ്ഥാന്‍ റോയല്‍സ് 134 റണ്‍സാണ് മൂന്ന് വിക്കറ്റ് നഷ്ടത്തില്‍ നേടിയത്. 32 പന്തില്‍ നിന്ന് 74 റണ്‍സ് നേടിയ സഞ്ജു സാംസണ്‍ 9 സിക്സുകളാണ് നേടിയത്. ഒരു പന്ത് പോലും നേരിടാതെ ഡേവിഡ് മില്ലര്‍ റണ്ണൗട്ട് ആകുകയായിരുന്നു.

Previous articleസിക്സുകളുടെ പെരുമഴയുമായി സഞ്ജു സാംസണ്‍, 19 പന്തില്‍ അര്‍ദ്ധ ശതകം
Next articleസിക്സര്‍ സഞ്ജു, സൂപ്പര്‍ സ്മിത്ത്, അവസാന ഓവറില്‍ ജോഫ്ര താണ്ഡവം, 200 കടന്ന് രാജസ്ഥാന്‍