അഭ്യൂഹങ്ങള്‍ ശക്തം, രോഹിത്തിനു പരിക്കോ?

മുംബൈ ഇന്ത്യന്‍സിന് നായകന്‍ രോഹിത്ത് ശര്‍മ്മയ്ക്ക് പരിശീലനത്തിനിടെ പരിക്കേറ്റുവെന്ന വാര്‍ത്ത ക്രിക്കറ്റ് ലോകത്ത് പരക്കുന്നു. താരത്തിന്റെ പരിക്ക് ഗുരുതരമാണെന്നും കുറഞ്ഞത് നാലാഴ്ച മുതല്‍ ആറാഴ്ച വരെ താരത്തിന്റെ സേവനം ടീമിനുണ്ടാകില്ലെന്നുമാണ് പുറത്ത് വരുന്ന ശക്തമായ അഭ്യൂഹം. കൂടുതല്‍ വിവരങ്ങള്‍ സ്ഥിതീകരിച്ചിട്ടില്ലെങ്കിലും ഇന്നത്തെ മത്സരത്തില്‍ താരം കളിക്കില്ലെന്നും ഇനി ഐപിഎലില്‍ തന്നെ താരം കളിച്ചേക്കില്ലെന്നുമുള്ള തരത്തിലുള്ള വാര്‍ത്തകളാണ് സമൂഹ മാധ്യമങ്ങളില്‍ പരക്കുന്നത്.

പരിശീലനത്തിനിടെ ഹാംസ്ട്രിംഗ് പരിക്ക് മൂലമാണ് താരം കളം വിട്ടതെന്നും ഉടനടി ഫിസിയോയുടെ സേവനം താരം ആവശ്യപ്പെടുകയായിരുന്നുവെന്നുമാണ് ലഭിയ്ക്കുന്ന വിവരം. ഇന്ന് ടോസിന്റെ സമയത്ത് ഇതിനെക്കുറിച്ച് കൂടുതല്‍ വിവരം അറിയാനാകുമെന്നാണ് കരുതുന്നത്.