ഐപില്‍ ട്രേഡിംഗ് ജാലകത്തിലൂടെ നടന്ന ആദ്യ കൈമാറ്റവുമായി റോയല്‍ ചലഞ്ചേഴ്സ് ബാംഗ്ലൂരും കിംഗ്സ് ഇലവന്‍ പഞ്ചാബും. മന്‍ദീപ് സിംഗിനു പകരം ഓള്‍റൗണ്ടര്‍ മാര്‍കസ് സ്റ്റോയിനിസിനെയാണ് പഞ്ചാബില്‍ നിന്ന് ബാംഗ്ലൂര്‍ സ്വന്തമാക്കിയത്. 2018 പതിപ്പ് അവസാനിച്ചത് മുതല്‍ അടുത്ത ലേലത്തിനു ഒരു മാസം മുമ്പ് വരെയാണ് ഈ ട്രേഡിംഗ് ജാലകം തുറന്നിരിക്കുന്നത്.
2018 ലേലത്തില്‍ സ്റ്റോയിനിസിനെ ആര്‍സിബി സ്വന്തമാക്കിയെങ്കിലും തങ്ങളുടെ റൈറ്റ്-ടു-മാച്ച് കാര്‍ഡ് ഉപയോഗിച്ച് കിംഗ്സ് ഇലവന്‍ പഞ്ചാബ് താരത്തെ നിലനിര്‍ത്തുകയായിരുന്നു. 6.20 കോടിയ്ക്കാണ് താരത്തെ സ്വന്തമാക്കിയത്. അതേ സമയം കിംഗ്സ് ഇലവന്‍ നോട്ടമിട്ട മന്‍ദീപ് സിംഗിനെ 1.40 കോടി രൂപയ്ക്ക് ബെംഗളൂരു സ്വന്തമാക്കുകയായിരുന്നു.
