രോഹിത്തില്ല, പൊള്ളാര്‍ഡ് നയിക്കും, ബൗളിംഗ് തിരഞ്ഞെടുത്ത് മുംബൈ

Sports Correspondent

Download the Fanport app now!
Appstore Badge
Google Play Badge 1

കിംഗ്സ് ഇലവന്‍ പഞ്ചാബിനെതിരെ ടോസ് നേടി ബൗളിംഗ് തിരഞ്ഞെടുത്ത് മുംബൈ ഇന്ത്യന്‍സ്. ഇന്ന് രോഹിത് ശര്‍മ്മയുടെ അഭാവത്തില്‍ കീറണ്‍ പൊള്ളാര്‍ഡ് ആണ് മുംബൈയെ നയിക്കുന്നത്. രോഹിത്തിനു പരിക്ക് അത്ര പ്രശ്നമുള്ളതല്ലെന്നും കരുതലെന്ന നിലയില്‍ ടീം മാനേജ്മെന്റ് താരത്തിനു വിശ്രമം നല്‍കിയതാണെന്നും മുംബൈയുടെ ഇന്നത്തെ നായകന്‍ കീറണ്‍ പൊള്ളാര്‍ഡ് അഭിപ്രായപ്പെട്ടു. രോഹിത്തിനു പകരം സിദ്ധേഷ് ലാഡാണ് കളിക്കാനായി എത്തുന്നത്.

അതേ സമയം കിംഗ്സ് ഇലവന്‍ പഞ്ചാബ് നിരയിലും രണ്ട് മാറ്റം വരുത്തിയിട്ടുണ്ട്. പരിക്കേറ്റ മയാംഗ് അഗര്‍വാളിനു പകരം കരുണ്‍ നായരും മുജീബ് ഉര്‍ റഹ്മാനു പകരം ഹാര്‍ഡസ് വില്‍ജോയനും ടീമിലേക്ക് എത്തുന്നു.

കിംഗ്സ് ഇലവന്‍ പഞ്ചാബ് : ക്രിസ് ഗെയില്‍, കെഎല്‍ രാഹുല്‍, കരുണ്‍ നായര്‍, സര്‍ഫ്രാസ് ഖാന്‍, ഡേവിഡ് മില്ലര്‍, മന്ദീപ് സിംഗ്, രവിചന്ദ്രന്‍ അശ്വിന്‍, സാം കറന്‍, ഹാര്‍ഡസ് വില്‍ജോയന്‍, മുഹമ്മദ് ഷമി, അങ്കിത് രാജ്പുത്

മുംബൈ ഇന്ത്യന്‍സ്: ക്വിന്റണ്‍ ഡി കോക്ക്, സൂര്യകുമാര്‍ യാദവ്, ഇഷാന്‍ കിഷന്‍, ക്രുണാല്‍ പാണ്ഡ്യ, കീറണ്‍ പൊള്ളാര്‍ഡ്, ഹാര്‍ദ്ദിക് പാണ്ഡ്യ, രാഹുല്‍ ചഹാര്‍, സിദ്ദേഷ് ലാഡ്, അല്‍സാരി ജോസഫ്, ജേസണ്‍ ബെഹ്രെന്‍ഡോര്‍ഫ്, ജസ്പ്രീത് ബുംറ