ഐപിഎല്‍ ലേലത്തില്‍ തന്നെ ആരും വാങ്ങാത്തതില്‍ തനിക്ക് വിഷമമില്ലെന്ന് പറഞ്ഞ് ബംഗ്ലാദേശ് വിക്കറ്റ് കീപ്പര്‍ ബാറ്റ്സ്മാന്‍ മുഷ്ഫിക്കുര്‍ റഹിം. മുസ്തഫിസുര്‍ റഹ്മാനൊപ്പം താരത്തിനെയും ആരും ലേലത്തില്‍ പരിഗണിച്ചിരുന്നില്ല. തന്ന ലേലത്തില്‍ ആരെങ്കിലും നേടിയാലും ഇല്ലെങ്കിലും തനിക്ക് വലിയ മാറ്റമൊന്നും സംഭവിക്കുന്നില്ലെന്ന് താരം പറഞ്ഞു. തനിക്ക് നേരിയ പ്രതീക്ഷയുണ്ടായിരുന്നു എന്നാലത് നടന്നില്ല.
എന്ത് തന്നെ സംഭവിച്ചാലും ജീവിതം മുന്നോട്ട് തന്നെ പോകണമെന്നും താനിപ്പോള്‍ ബംഗ്ലാദേശ് പ്രീമിയര്‍ ലീഗില്‍ കളിക്കുകയാണെന്നും അതിനാല്‍ തന്നെ പൂര്‍ണ്ണ ശ്രദ്ധ അവിടേക്കാണ് വേണ്ടതെന്നാണ് തന്റെ ഇപ്പോളത്തെ നിലപാടെന്നും മുഷ്ഫിക്കുര്‍ റഹിം അഭിപ്രായപ്പെട്ടു.
