വിരാടിന്റെ ക്യാപ്റ്റന്‍സി ഒരു ചര്‍ച്ച വിഷയേയല്ല

- Advertisement -

2013ല്‍ ടീമിന്റെ ക്യാപ്റ്റനായി ചുമതലയേറ്റ ശേഷം ഇന്നിത് വരെ ഐപിഎല്‍ കിരീടം ടീമിനെ നേടിക്കൊടുക്കുവാന്‍ വിരാട് കോഹ്‍ലിയ്ക്ക് സാധിച്ചിട്ടില്ലെങ്കിലും താരത്തെ ക്യാപ്റ്റന്‍സി സ്ഥാനത്ത് നിന്ന് മാറ്റുവാന്‍ ഒരു ചര്‍ച്ചയും നടക്കുന്നില്ലെന്ന് പറഞ്ഞ് റോയല്‍ ചലഞ്ചേഴ്സ് ബാംഗ്ലൂര്‍. ടീമിന്റെ കോച്ചിംഗ് സ്റ്റാഫിനെ പൂര്‍ണ്ണമായും മാറ്റി തിരഞ്ഞെടുത്ത ഫ്രാഞ്ചൈസിയിലെ പുതിയ ക്രിക്കറ്റ് ഓപ്പറേഷന്‍സ് ഡയറക്ടര്‍ മൈക്ക് ഹെസ്സണും ഇപ്പോള്‍ ഇത് തന്നെയാണ് പറയുന്നത്.

താരത്തിന്റെ ക്യാപ്റ്റന്‍സിയെക്കുറിച്ച് ഒരു ചര്‍ച്ചയുമില്ലെന്നും തുടര്‍ന്നും ടീമിനെ നയിക്കുന്നത് വിരാട് കോഹ്‍ലി ആയിരിക്കുമെന്ന് മൈക്ക് ഹെസ്സണ്‍ പറഞ്ഞു. തന്റെ പഴയ തെറ്റുകളില്‍ നിന്ന് പാഠം ഉള്‍ക്കൊണ്ട് വിരാട് ടീമിനെ മുന്നോട്ട് നയിക്കുമെന്നും അപ്രാപ്യമായ കിരീടത്തിലേക്ക് എത്തിക്കുമെന്നുമാണ് താന്‍ വിശ്വസിക്കുന്നതെന്ന് ഹെസ്സണ്‍ പറഞ്ഞു.

Advertisement