ഐപിഎല്‍ വേദികള്‍ എവിടെയായിരിക്കുമെന്നതില്‍ ഇപ്പോളും വ്യക്തതയില്ലെന്ന് അറിയിച്ച് സണ്‍റൈസേഴ്സ് ഹൈദ്രാബാദ് മെന്റര്‍ വിവിഎസ് ലക്ഷ്മണ്‍. ബിസിസിഐ പല സാധ്യതകളും പരിശോധിക്കുന്നുണ്ടെന്നും ഏറ്റവും മികച്ച ടൂര്‍ണ്ണമെന്റ് നടത്തുവാനുള്ള ഒരുക്കങ്ങള്‍ ബിസിസിഐ നടത്തുമെന്നും എല്ലാ ഫ്രാഞ്ചൈസികള്‍ക്കും അറിയാമെന്നും വിവിഎസ് വ്യക്തമാക്കി.
വേദി എവിടെ ആയാലും സണ്‍റൈസേഴ്സിന്റെ 25 അംഗ സ്ക്വാഡിന് മികച്ച രീതിയില്‍ സാഹചര്യവുമായി പൊരുത്തപ്പെട്ട് മികച്ച പ്രകടനം പുറത്തെടുക്കുവാനാകുമെന്നാണ് പ്രതീക്ഷിക്കുന്നതെന്ന് വിവിഎസ് സൂചിപ്പിച്ചു. 25 അംഗ സ്ക്വാഡ് ടീമുകള്‍ എടുക്കുന്നതിന്റെ കാരണം തന്നെ വിവിധ സാഹചര്യം അനുസരിച്ച് ടീമിനെ തിരഞ്ഞെടുക്കുവാന്‍ കൂടിയാണെന്നും വിവിഎസ് വ്യക്തമാക്കി.
സാധാരണ രീതിയില്‍ ഇന്ത്യയിലാണ് മത്സരം നടക്കുന്നതെങ്കില്‍ പോലും ഓരോ സ്റ്റേഡിയത്തില്‍ ചെല്ലുമ്പോളും വിവിധ തരം വിവിധ തരം സാഹചര്യങ്ങളാണ് ടീമുകളെ കാത്തിരിക്കുന്നതെന്ന് വിവിഎസ് സൂചിപ്പിച്ചു.
