ഐപിഎല്‍ ലേലത്തില്‍ മുസ്തഫിസുറിന് പങ്കെടുക്കുവാന്‍ അനുമതി നല്‍കി ബംഗ്ലാദേശ് ക്രിക്കറ്റ് ബോര്‍ഡ്

ബംഗ്ലാദേശ് പേസര്‍ മുസ്തഫിസുര്‍ റഹ്മാനെ ഐപിഎല്‍ ലേലത്തില്‍ പങ്കെടുക്കുവാന്‍ അനുമതി നല്‍കി ബംഗ്ലാദേശ് ക്രിക്കറ്റ് ബോര്‍ഡ്. താരത്തിനെ കഴിഞ്ഞ ജൂലൈയില്‍ വിദേശ ടി20 ലീഗുകളില്‍ പങ്കെടുക്കുന്നതില്‍ നിന്ന് ബംഗ്ലാദേശ് ക്രിക്കറ്റ് ബോര്‍ഡ് വിലക്കിയിരുന്നു. താരത്തിന്റെ പരിക്കിന്റെ സാധ്യതകള്‍ വളരെ അധികം ആയതിനാലായിരുന്നു ഈ തീരുമാനം. എന്നാല്‍ ഇപ്പോള്‍ താരത്തിന്റെ ഫോം വീണ്ടെടുക്കുന്നതിനായിട്ടാണ് ലേലത്തില്‍ പങ്കെടുക്കുവാന്‍ ബോര്‍ഡ് അവസരം നല്‍കിയത്.

ഡിസംബര്‍ 19ന് നടക്കുന്ന ലേലത്തില്‍ ബംഗ്ലാദേശില്‍ നിന്ന് ആറ് താരങ്ങളാണുള്ളത്. തമീം ഇക്ബാല്‍, മെഹ്ദി ഹസന്‍, സൗമ്യ സര്‍ക്കാര്‍, മഹമ്മദുള്ള, ടാസ്കിന്‍ അഹമ്മദ് എന്നിവരാണ് മുസ്തഫിസുര്‍ റഹ്മാന് പുറമെ ലേലത്തില്‍ പങ്കെടുക്കുന്നവര്‍.