മലയാളി താരം മിഥുനിനെ റിലീസ് ചെയ്ത് രാജസ്ഥാന്‍ റോയല്‍സ്, ഒഷെയ്ന്‍ തോമസും ലിയാം ലിവിംഗ്സ്റ്റണും ഇഷ് സോധിയും പുറത്ത്

- Advertisement -

മലയാളി താരം മിഥുന്‍ എസ് ഉള്‍പ്പെടെ നിരവധി താരങ്ങളെ വിട്ട് നല്‍കി രാജസ്ഥാന്‍ റോയല്‍സ്. കഴിഞ്ഞ സീസണില്‍ ഭേദപ്പെട്ട പ്രകടനം പുറത്തെടുത്ത ഒഷെയ്ന്‍ തോമസ്, ലിയാം ലിവിംഗ്സ്റ്റണ്‍ എന്നിവര്‍ക്കൊപ്പം ആഷ്ടണ്‍ ടര്‍ണര്‍ ഇഷ് സോധി എന്നിവരും ടീമില്‍ നിന്ന് പുറത്ത് പോകുന്നു. സ്റ്റുവര്‍ട് ബിന്നിയെയും ടീം റിലീസ് ചെയ്തു. ഒപ്പം ജയ്ദേവ് ഉന‍ഡ്കടും, രാഹുല്‍ ത്രിപാഠിയും ടീമില്‍ നിന്ന് പുറത്ത് പോകുന്നു.

കഴിഞ്ഞ സീസണിലെ കണ്ടെത്തല്‍ എന്ന് വിശേഷിപ്പിക്കാവുന്ന റിയാന്‍ പരാഗിനെ ടീം നിലനിര്‍ത്തിയിട്ടുണ്ട്. 28.90 കോടി രൂപ കൈവശമുള്ള ടീം 4 വിദേശ താരങ്ങള്‍ ഉള്‍പ്പെടെ 11 സ്ലോട്ടുകളിലേക്ക് ആളെ കണ്ടെത്തണം.

ശുഭം രഞ്ജനേ, പ്രശാന്ത് ചോപ്ര, ആര്യമന്‍ ബിര്‍ള എന്നിവരാണ് പുറത്ത് പോകുന്ന മറ്റു താരങ്ങള്‍.

Advertisement