ശ്രീലങ്കയിലെ പ്രാദേശിക ടൂര്‍ണ്ണമെന്റ് കളിക്കുന്നതിനാല്‍ മുംബൈയുടെ ചില മത്സരങ്ങള്‍ താരത്തിനു നഷ്ടമായേക്കുമെന്ന സ്ഥിതി സംജാതമായിരിക്കുന്ന അവസരത്തില്‍ താരത്തിനു പൂര്‍ണ്ണമായും ഐപിഎലില്‍ മുംബൈയ്ക്കൊപ്പമുണ്ടാകാനാകുമെന്ന പ്രത്യാശ പ്രകടപിപ്പിച്ച് മുംബൈ ഇന്ത്യന്‍സ് കോച്ചും മുന്‍ ശ്രീലങ്കന്‍ താരവുമായി മഹേല ജയവര്‍ദ്ധേനെ. മുംബൈ ഇന്ത്യന്‍സിനെ താരത്തിന്റെ അഭാവമുണ്ടാകുമെന്ന് ഇതുവരെ അറിയിച്ചിട്ടില്ലെന്നാണ് മഹേല പറയുന്നത്.
ടൂര്‍ണ്ണമെന്റ് ഏപ്രിലില്‍ നാല്-അഞ്ച് ദിവസത്തേക്കാണ് എന്നാണ് അറിയുന്നത്. അതിനാല്‍ തന്നെ അതുവരെ താരം നമുക്കൊപ്പമുണ്ടാകും. ലേലത്തില്‍ താരത്തെ സ്വന്തമാക്കിയപ്പോള്‍ ശ്രീലങ്കന്‍ ക്രിക്കറ്റ് ബോര്‍ഡ് നല്‍കിയ ഷെഡ്യൂളില്‍ ഈ ടൂര്‍ണ്ണമെന്റ് ഇല്ലായിരുന്നു. അതിനാല്‍ തന്നെ ഇപ്പോളൊരു മാറ്റമുണ്ടെങ്കില്‍ അത് വ്യക്തതയോടെ നമ്മളെ അറിയിക്കേണ്ടതുണ്ടെന്നും അതില്‍ ഒരു ചര്‍ച്ച ആവശ്യമാണെന്നുമാണ് മഹേല വ്യക്തമാക്കിയത്.
