ഐപിഎലില്‍ നിന്ന് പിന്മാറി വീണ്ടും താരങ്ങള്‍, ഇത്തവണ റോയല്‍ ചലഞ്ചേഴ്സ് ബാംഗ്ലൂര്‍ താരങ്ങള്‍

Kanerichardsonadamzampa

ഐപിഎലില്‍ നിന്ന് പിന്മാറുകയാണെന്ന് അറിയിച്ച് രണ്ട് വിദേശ താരങ്ങള്‍ കൂടി. റോയല്‍ ചലഞ്ചേഴ്സ് ബാംഗ്ലൂരില്‍ നിന്ന് വിദേശ താരങ്ങളായ കെയിന്‍ റിച്ചാര്‍ഡ്സും ആഡം സംപയും പിന്മാറുകയാണെന്നാണ് ഏറ്റവും പുതിയ വിവരം. വ്യക്തിപരമായ കാരണങ്ങള്‍ ചൂണ്ടിക്കാണിച്ചാണ് ഈ പിന്മാറ്റം.

ഇവര്‍ ഓസ്ട്രേലിയയിലേക്ക് മടങ്ങുകയാണെന്നാണ് റോയല്‍ ചലഞ്ചേഴ്സ് ബാംഗ്ലൂര്‍ ഔദ്യോഗിക സ്റ്റേറ്റ്മെന്റില്‍ പറയുന്നത്. നേരത്തെ രാജസ്ഥാന്‍ റോയല്‍സ് ക്യാമ്പില്‍ നിന്ന് വിദേശ താരങ്ങളായ ലിയാം ലിവിംഗ്സ്റ്റണും ആന്‍ഡ്രൂ ടൈയും വിട വാങ്ങിയിരുന്നു.

ഈ കോവിഡ് സാഹചര്യത്തില്‍ തന്റെ കുടുംബത്തിനൊപ്പമുണ്ടാകണമെന്ന് പറഞ്ഞ് ഡല്‍ഹി താരം രവിചന്ദ്രന്‍ അശ്വിനും ഐപിഎലില്‍ നിന്ന് പിന്മാറുകയാണെന്ന് അറിയിച്ചിരുന്നു.