ഡല്‍ഹിയുടെ വിജയം ഉറപ്പാക്കി ശിഖര്‍ ധവാന്‍, പോയിന്റ് പട്ടികയില്‍ ഒന്നാമത്

Shikhardhawan
- Advertisement -

പഞ്ചാബ് കിംഗ്സ് നല്‍കിയ 167 റണ്‍സ് വിജയ ലക്ഷ്യം 17.5 ഓവറില്‍ 3 വിക്കറ്റ് നഷ്ടത്തില്‍ മറികടന്ന് ഡല്‍ഹി ക്യാപിറ്റല്‍സ്. പൃഥ്വി ഷായും ശിഖര്‍ ധവാനും ചേര്‍ന്ന് മികച്ച തുടക്കമാണ് ടീമിന് പവര്‍പ്ലേയില്‍ നല്‍കിയത്.

22 പന്തില്‍ 39 റണ്‍സ് നേടിയ പൃഥ്വി ഷായെ ഹര്‍പ്രീത് ബ്രാര്‍ പുറത്താക്കിയെങ്കിലും 48 റണ്‍സ് രണ്ടാം വിക്കറ്റ് കൂട്ടുകെട്ടുമായി സ്മിത്തും ധവാനും ടീമിനെ മുന്നോട്ട് നയിച്ചു. 22 പന്തില്‍ 24 റണ്‍സ് നേടിയ സ്മിത്തിനെയാണ് ഡല്‍ഹിയ്ക്ക് അടുത്തതായി നഷ്ടമായത്.

സ്മിത്ത് പുറത്താകുമ്പോള്‍ 7 ഓവറില്‍ 56 റണ്‍സായിരുന്നു ‍ഡല്‍ഹിയുടെ വിജയ ലക്ഷ്യം. 14 റണ്‍സ് നേടിയ ഋഷഭ് പന്തിനെ ടീമിന് നഷ്ടമായെങ്കിലും 47 പന്തില്‍ 69 റണ്‍സുമായി ശിഖര്‍ ധവാനും 4 പന്തില്‍ 16 റണ്‍സ് നേടി ഷിമ്രണ്‍ ഹെറ്റ്മ്യറും ഡല്‍ഹിയുടെെ അനായാസ ജയം സാധ്യമാക്കി.

Advertisement