വിലക്കിനു ശേഷം വെടിക്കെട്ട് പ്രകടനവുമായി ഐപിഎലിലേക്ക് മടങ്ങിയെത്തി ഡേവിഡ് വാര്‍ണര്‍

കേപ് ടൗണിലെ പന്ത് ചുരണ്ടല്‍ വിവാദത്തെത്തുടര്‍ന്ന് ഓസ്ട്രേലിയന്‍ ക്രിക്കറ്റില്‍ നിന്നും ഐപിഎലില്‍ നിന്നും വിലക്കപ്പെട്ട ഓസ്ട്രേലിയന്‍ താരം ഡേവിഡ് വാര്‍ണറുടെ ഐപിഎലിലേക്കുള്ള വമ്പന്‍ മടങ്ങി വരവ്. ഇന്ന് സണ്‍റൈസേഴ്സ് ഹൈദ്രാബാദിനു വേണ്ടി കൊല്‍ക്കത്ത നൈറ്റ് റൈഡേഴ്സിനെതിരെ തന്റെ സ്ഥിരം ഓപ്പണിംഗ് സ്ഥാനത്തേക്ക് മടങ്ങിയെത്തിയ താരം അര്‍ദ്ധ ശതകം നേടിയാണ് തന്റെ തിരിച്ചുവരവ് അറിയിച്ചത്.

31 പന്തില്‍ നിന്ന് 53 റണ്‍സ് നേടി ഡേവിഡ് വാര്‍ണര്‍ മടങ്ങിവരവില്‍ തന്റെ അര്‍ദ്ധ ശതകവും സണ്‍റൈസേഴ്സിനു സ്വപ്ന തുടക്കമാണ് നല്‍കിയത്.