നിലവിലെ ചാമ്പ്യന്മാരായ ചെന്നൈ സൂപ്പര്‍ കിംഗ്സിനു ഐപിഎല്‍ നഷ്ടമാകും. ശ്രീലങ്കയ്ക്കെതിരെ അഞ്ചാം ഏകദിനത്തിനിടെ പരിക്കേറ്റ താരം കുറഞ്ഞത് നാലാഴ്ചയെങ്കിലും വിശ്രമമെടുത്താല് മാത്രമേ ലോകകപ്പിനു തയ്യാറാകുയുള്ളുവെന്നതിനാല്‍ ഐപിഎല്‍ മത്സരങ്ങളില്‍ നിന്ന് താരം വിട്ട് നില്‍ക്കുമെന്ന് ഉറപ്പായി. ഗ്രേഡ് II മസില്‍ സ്ട്രെയിന്‍ ആണ് പരിശോധനയില്‍ കണ്ടെത്തിയതെന്നും നാല് ആഴ്ച റീഹാബിനു താരം വിധേയനാകുമെന്നുമാണ് ദക്ഷിണാഫ്രിക്കയുടെ ടീം മാനേജര്‍ മുഹമ്മദ് മൂസാജീ പറഞ്ഞത്.
കഴിഞ്ഞ സീസണില്‍ ലേലത്തിലാണ് താരത്തെ ചെന്നൈ സൂപ്പര്‍ കിംഗ്സ് സ്വന്തമാക്കിയത്. ഏഴ് മത്സരങ്ങളില്‍ നിന്ന് 11 വിക്കറ്റ് നേടി താരം നിര്‍ണ്ണായക സ്വാധീനമായി മാറിയിരുന്നു. ഇത്തവണ ടീമിന്റെ മുന്‍ നിര പേസറായി താരം മാറുമെന്നാണ് കരുതിയിരുന്നത്. ഇംഗ്ലണ്ട് ഓള്‍റൗണ്ടര്‍ ഡേവിഡ് വില്ലിയാണ് ടീമിലെ മറ്റൊരു വിദേശ സീമര്‍. ഇന്ത്യന്‍ താരങ്ങളില്‍ ശര്‍ദ്ധുല്‍ താക്കൂര്‍, മോഹിത് ശര്‍മ്മ, ദീപക് ചഹാര്‍, കെഎം ആസിഫ് എന്നിവരാണ് പേസ് ബൗളിംഗ് ഡിപ്പാര്‍ട്മെന്റിലുള്ളത്.
