ബൗളിംഗ് വിഭാഗം മികച്ച് നില്‍ക്കുന്നു, ബാറ്റിംഗ് മെച്ചപ്പെടാനുണ്ട്, പ്ലേ ഓഫുകള്‍ക്ക് അത് അനിവാര്യം

- Advertisement -

ചെന്നൈയുടെ ഈ സീസണില്‍ ബാറ്റിംഗിനെക്കാള്‍ മികച്ച് നിന്നത് ബൗളിംഗെന്ന് തുറന്ന് പറഞ്ഞ് നായകന്‍ എംഎസ് ധോണി. ബൗളിംഗ് യൂണിറ്റ് ഒത്തൊരുമയോടെ പ്രവര്‍ത്തിക്കുന്നത് ഏറെ സന്തോഷം നല്‍കുന്ന കാര്യമാണെങ്കിലും പ്ലേ ഓഫുകളില്‍ മുന്നേറുവാന്‍ ബാറ്റിംഗ് മെച്ചപ്പെടേണ്ട ആവശ്യമുണ്ടെന്ന് ധോണി പറഞ്ഞു.

ഇന്നലെ ഷെയിന്‍ വാട്സണിന്റെ ഒറ്റയാള്‍ പ്രകടനമാണ് ടീമിനെ വിജയിപ്പിച്ചത്. വാട്സണ്‍ എന്നും ചെന്നൈയുടെ മാച്ച് വിന്നറായിരുന്നു, ഈ സീസണില്‍ ബുദ്ധിമുട്ടിയെങ്കിലും കളിച്ചപ്പോളെല്ലാം മികച്ച രീതിയിലാണ് പന്ത് താരം മിഡില്‍ ചെയ്തിരുന്നതെന്നും ധോണി കൂട്ടിചേര്‍ത്തു. താരം നെറ്റ്സിലും മികച്ച രീതിയിലാണ് ബാറ്റ് ചെയ്യുന്നത്, അതിനാല്‍ തന്നെ താരങ്ങളെ മോശം സമയത്ത് പിന്തുണയ്ക്കുക എന്നത് ടീം മാനേജ്മെന്റിന്റെ ഒരു ശൈലിയാണ്. ആ പിന്തുണയുടെ ഗുണഫലമാണ് ഇന്നലെ ടീം സ്വന്തമാക്കിയതെന്ന് എംഎസ് ധോണി വ്യക്തമാക്കി.

Advertisement