ഐ.പി.എല്ലിൽ ഹർദിക് പാണ്ഡ്യയുടെ ക്യാപ്റ്റൻസി മികച്ചതായിരുന്നെന്ന് രാഹുൽ ദ്രാവിഡ്

ഇത്തവണത്തെ ഇന്ത്യൻ പ്രീമിയർ ലീഗിൽ ഇന്ത്യൻ ഓൾ റൗണ്ടർ ഹർദിക് പാണ്ഡ്യയുടെ ക്യാപ്റ്റൻസി മികച്ചതായിരുന്നെന്ന് ഇന്ത്യൻ പരിശീലകൻ രാഹുൽ ദ്രാവിഡ്. ഐ.പി.എല്ലിൽ ഹർദിക് പാണ്ഡ്യ ഗുജറാത്ത് ടൈറ്റൻസിനെ നയിച്ച രീതി തനിക്ക് ഇഷ്ട്ടപെട്ടെന്നും രാഹുൽ ദ്രാവിഡ് പറഞ്ഞു. ക്യാപ്റ്റനായി ആദ്യ സീസണിൽ തന്നെ ഗുജറാത്ത് ടൈറ്റൻസിന് കിരീടം നേടിക്കൊടുക്കാൻ ഹർദിക് പാണ്ഡ്യക്കായിരുന്നു.

ദക്ഷിണാഫ്രിക്കക്കെതിരെയുള്ള ടി20 പരമ്പരക്ക് മുൻപ് സംസാരിക്കുകയായിരുന്നു രാഹുൽ ദ്രാവിഡ്. ഇന്ത്യൻ പ്രീമിയർ ലീഗിൽ ഹർദിക് പാണ്ഡ്യ മികച്ച പ്രകടനമാണ് പുറത്തെടുത്തതെന്നും രാഹുൽ ദ്രാവിഡ് പറഞ്ഞു. ഐ.പി.എൽ ഫൈനൽ കളിച്ച താരങ്ങൾക്ക് ഒരു ദിവസം അധികം അവധി നൽകിയിട്ടുണ്ടെന്നും രാഹുൽ ദ്രാവിഡ് പറഞ്ഞു.