ദുലീപ് ട്രോഫിയിൽ ലീഡ് നേടി സൗത്ത് സോൺ. രണ്ടാം ദിവസം അവസാനിക്കുമ്പോള്‍ 318/7 എന്ന നിലയിലുള്ള ടീമിന് 48 റൺസിന്റെ ലീഡാണുള്ളത്. 118 റൺസ് നേടിയ ബാബ ഇന്ദ്രജിത്തിനൊപ്പം മനീഷ് പാണ്ടേ(48), കൃഷ്ണപ്പ ഗൗതം(43), രോഹന്‍ കുന്നുമ്മൽ(31) എന്നിവരാണ് മറ്റു പ്രധാന സ്കോറര്‍മാര്‍. 26 റൺസ് നേടിയ രവി തേജയും 6 റൺസ് നേടി രവിശ്രീനിവാസന്‍ സായി കിഷോറും ആണ് ക്രീസിലുള്ളത്.
വെസ്റ്റ് സോണിനായി ജയ്ദേവ് ഉനഡ്കടും അതിത് സേഥും മൂന്ന് വീതം വിക്കറ്റ് നേടി. നേരത്തെ വെസ്റ്റ് സോണിന്റെ ഒന്നാം ഇന്നിംഗ്സ് 270 റൺസിൽ അവസാനിച്ചിരുന്നു.
