വനിത പ്രീമിയര്‍ ലീഗില്‍ ലക്നൗ ആസ്ഥാനമായുള്ള ഫ്രാഞ്ചൈസിയുടെ പേര് പ്രഖ്യാപിച്ചു. ലക്നൗ വാരിയേഴ്സ് എന്നാവും ടീമിന്റെ പേര്. കാപ്രി ഗ്ലോബൽ ഹോള്‍ഡിംഗ് പ്രൈവറ്റ് ലിമിറ്റഡ് ആണ് ടീമിന്റെ ഉടമസ്ഥര്‍. 757 കോടി രൂപയ്ക്കാണ് ഫ്രാ‍ഞ്ചൈസിയെ ഇവര്‍ സ്വന്തമാക്കിയത്.
ഐഎൽടി20യിൽ ഷാര്‍ജ്ജ വാരിയേഴ്സ് ടീമുടമകള്‍ കീടിയാണ് കാപ്രി ഗ്ലോബൽ ഹോള്‍ഡിംഗ്സ് പ്രൈവറ്റ് ലിമിറ്റഡ്. ഇത് കൂടാതെ ഖോഖോയിൽ രാജസ്ഥാന്‍ വാരിയേഴ്സിന്റെയും കബഡിയിൽ ബംഗാള്‍ വാരിയേഴ്സിന്റെയും ഉടമകള്‍ കൂടിയാണ് ഇവര്‍.
മാര്‍ച്ച് ആദ്യ ആഴ്ചയാണ് വനിത പ്രീമിയര്‍ ലീഗ് ആരംഭിക്കുവാനിരിക്കുന്നത്.
