വസീം ജാഫർ പഞ്ചാബ് കിംഗ്സ് ബാറ്റിംഗ് കോച്ച് സ്ഥാനം ഒഴിഞ്ഞു

പഞ്ചാബ് കിംഗ്സ് ബാറ്റിംഗ് കോച്ച് സ്ഥാനം ഒഴിഞ്ഞ് വസീം ജാഫർ. 2022 ഐപിഎല്‍ ആരംഭിയ്ക്കുവാന്‍ ഇരിക്കവേയാണ് ജാഫറിന്റെ പിന്മാറ്റം. നാളെ ഐപിഎൽ മെഗാ ലേലം നടക്കുന്നതിന് മുമ്പാണ് ഈ തീരുമാനം.

2019 മുതൽ ഫ്രാഞ്ചൈസിയുമായി സഹകരിച്ച് വരികയായിരുന്നു വസീം ജാഫര്‍. തന്റെ ട്വിറ്ററിൽ സ്വതസിദ്ധമായ ശൈലിയിൽ മീം ട്വീറ്റ് ചെയ്താണ് താരം ഇക്കാര്യം ആരാധകരെ അറിയിച്ചത്.

ലേലത്തിന് മുമ്പ് മയാംഗ് അഗര്‍വാളിനെയും അര്‍ഷ്ദീപ് സിംഗിനെയും യഥാക്രമം 12 കോടിയും 4 കോടിയും നല്‍കിയാണ് പഞ്ചാബ് നിലനിര്‍ത്തിയത്.